అగ్ర కథానాయకుడు గోపీచంద్‌ ప్రస్తుతం ఓ హిస్టారికల్‌ యాక్షన్‌ ఎంటర్‌టైనర్‌లో నటిస్తున్నారు. సంకల్ప్‌ రెడ్డి దర్శకత్వంలో శ్రీనివాసా సిల్వర్‌ స్క్రీన్‌ బ్యానర్‌ పై శ్రీనివాసా చిట్టూరి నిర్మిస్తున్నారు. పవన్‌ కుమార్‌ సమర్పణలో ఈ చిత్రాన్ని భారీ బడ్జెట్‌తో తెరకెక్కిస్తున్నారు. హీరోగా గోపీచంద్‌ నటిస్తున్న 33వ సినిమా ఇది. ఈ చిత్రం ఇప్పటికే నాలుగు షెడ్యూల్స్‌లో 55 రోజుల చిత్రీకరణను పూర్తి చేసుకుంది. ప్రస్తుతం హీరో గోపిచంద్‌తో పాటు ప్రధాన తారాగణంపై వెంకట్‌ మాస్టర్‌ యాక్షన్‌ కొరియోగ్రఫీలో ఓ భారీ ఇంటర్వెల్‌ యాక్షన్‌ సీక్వెన్స్‌ను చిత్రీకరణ చేస్తున్నారు. ఈ యాక్షన్‌ ఎపిసోడ్‌ సినిమాలో మెయిన్‌ హైలైట్‌గా నిలుస్తుంది. ప్రేక్షకులకు సీట్‌ ఎడ్జ్‌ ఎక్స్‌ పీరియన్స్‌ ఇవ్వనుంది అని మేకర్స్‌ తెలిపారు.
ఇప్పటికే గోపిచంద్‌ బర్త్‌డే సందర్భంగా విడుదల చేసిన స్పెషల్‌ పోస్టర్‌, గ్లింప్స్‌ వీడియోకు అద్భుతమైన స్పందన లభించింది. యోధుడిలా కనిపించిన గోపిచంద్‌ తన పాత్రలోని ఇంటెన్స్‌ని ప్రజెంట్‌ చేసి అందరిలో మరింత ఆసక్తి రేకెత్తించారు. విభిన్నమైన కథలతో, సాంకేతిక నైపుణ్యంతో ప్రత్యేక గుర్తింపు తెచ్చుకున్న సంకల్ప్‌ రెడ్డి ఈ చిత్రంతో భారత చరిత్రలోని ప్రాముఖ్యమైన అధ్యాయాన్ని వెండితెరపైకి తెస్తున్నారు. అద్భుతమైన ఎమోషన్స్‌, విజువల్‌ గ్రాండ్యూర్‌తో ప్రేక్షకులకు ఒక వినూత్న అనుభూతిని అందించబోతున్నారు. గోపిచంద్‌ తన కెరీర్‌లో ఎన్నడూ చేయని విభిన్నమైన పాత్రలో కనిపించబోతున్నారు అని చిత్ర యూనిట్‌ తెలిపారు. ఈ చిత్రానికి డిఓపి: సౌందర్‌ రాజన్‌, సంగీతం: అనుదీప్‌ దేవ్‌, ఫైట్‌ మాస్టర్స్‌: వెంకట్‌, పథ్వీ, రియల్‌ సతీష్‌, డాన్స్‌ మాస్టర్స్‌: శంకర్‌, విజయ్ పోలంకి.
ఓ యోధుడి పోరాటం
- Advertisement -
- Advertisement -
Previous article![]( "9 నెలల పిల్లాడు ఆత్మగా మారితే?")
Next article![]( "9 ఏళ్ళలో, 4 భాషల్లో ..దిగ్విజయంగా 25 చిత్రాలు")
