నవతెలంగాణ – అశ్వారావుపేట
రోడ్డు విస్తరణ పనులలో భాగంగా ఈ నెల 18 నుంచి 22 వ తేదీ శనివారం వరకు ఉదయం 9 గంటలు నుండి మధ్యాహ్నం 1 గంట వరకు విద్యుత్ అంతరాయం ఉంటుందని ఎన్పీడీసీఎల్( ఆపరేషన్స్ ) ఏడీఈ వెంకటరత్నం సోమవారం తెలిపారు. అశ్వారావుపేట పట్టణంలో జరుగుతున్న సెంట్రల్ లైటింగ్,రహదారి విస్తరణలో భాగంగా నూతనంగా విద్యుత్ లైన్ లు ఏర్పాటు చేయాలనే ఆర్ అండ్ బి శాఖ అధికారులు వినతి మేరకు విద్యుత్ నిలుపుదల చేసి ఈ పనులు చేయాల్సి ఉందని వివరించారు. ఇందులో భాగంగా నూతనంగా ఏర్పాటు చేసిన టవర్స్ పై 33 కేవీ, 11 కేవీ, ఎల్టీ వైర్స్ అమర్చడం,పాత విద్యుత్ పోల్స్ స్థానంలో కొత్త పోల్స్ వేయడం జరుగుతుంది అని తెలిపారు.
అశ్వారావుపేట – భూర్గంపాడు రోడ్ లో పోలీస్ స్టేషన్ నుండి పెద్ద రైస్ మిల్,పాత ఆంధ్రా ఆంధ్రాబ్యాంక్ వీధి, దండాబత్తుల బజార్,గాంధీ బొమ్మ సెంటర్,ముస్లిం బజార్, చిన్నంశెట్టి బజార్,తూర్పు బజార్,వడ్డెర బజార్, అంబేద్కర్ నగర్,గౌడ బజార్,తిరుమల నగర్, శివయ్య గారి బజార్,గుర్రాల చెరువు రోడ్ కు ఉదయం 9 గంటల నుండి మధ్యాహ్నం 1 గంట వరకు విద్యుత్ అంతరాయం ఉంటుందని, కావున వినియోగదారులు సహకరించాలని విజ్ఞప్తి చేసారు.
