అత్యధిక థియేటర్లలో రిలీజ్‌

అర్జున్‌ సర్జ, ఐశ్వర్య రాజేష్‌ కాంబోలో తమిళంలో రూపొందిన ‘తీయవర్‌ కులై నడుంగ’ చిత్రం తెలుగులో ‘మఫ్టీ పోలీస్‌’గా ఈనెల 21న ప్రేక్షకుల ముందుకు రానుంది. దినేష్‌ లక్ష్మణన్‌ దర్శకత్వంలో జియస్సార్‌ అర్ట్స్‌ బ్యానర్‌ పై జి.అరుల్‌ కుమార్‌ నిర్మించిన ఈ తమిళ చిత్రాన్ని తెలుగులో శ్రీలక్ష్మిజ్యోతి క్రియేషన్స్‌ ద్వారా నిర్మాత ఎ.ఎన్‌.బాలాజీ విడుదల చేస్తున్నారు.
ఈ సందర్భంగా ఎ.ఎన్‌.బాలాజీ మాట్లాడుతూ, ‘యాక్షన్‌ కింగ్‌ అర్జున్‌ – ఐశ్వర్య రాజేష్‌కి తెలుగునాట ఉన్న క్రేజ్‌ని దష్టిలో పెట్టుకుని అత్యధిక థియేటర్లలో ఈ చిత్రాన్ని విడుదల చేస్తున్నాం. ఈ సినిమాలో యాక్షన్‌తో పాటు పర్సనల్‌ డ్రామా కూడా చాలా ఆసక్తికరంగా ఉంటుంది. తెలుగు లోనూ అసాధారణ విజయం సాధిస్తుందనే నమ్మకం ఉంది. ఈ చిత్రాన్ని తెలుగు ప్రేక్షకులకు అందించే అద్భుత అవకాశాన్ని నాకు అందించిన జి.అరుల్‌ కుమార్‌కి, ఈ చిత్రాన్ని అత్యద్భుతంగా తీర్చిదిద్దిన దర్శకుడు దినేష్‌ లక్ష్మణన్‌కు నా హదయపూర్వక కతజ్ఞతలు’ అని అన్నారు.