ఈ ఆకుతో ఇలా చేస్తే…

దోమలతో రాత్రుళ్లు నిద్ర ఉండదు. కుడితే దురద, మంట, జ్వరం వంటి తీవ్ర ఇబ్బందులను కలిగించడమే కాకుండా డెంగ్యూ, మలేరియా వంటి తీవ్రమైన వ్యాధుల ప్రమాదాన్ని కూడా పెంచుతాయి. సాధారణంగా దోమలను తరిమికొట్టడానికి కాయిల్స్‌ లేదా ద్రవాలను ఉపయోగిస్తారు. కానీ వాటిలో రసాయనాల కారణంగా ఇతర అనారోగ్యాలను కొని తెచ్చుకోవాల్సి వస్తుంది.. అందుకే సహజ పద్ధతులను వెతుకుతుంటారు. పాత రోజుల్లో దోమలను తరిమికొట్టడానికి వేప ఆకులతో పొగబెట్టేవారు. దోమల బెడద నివారణకు వేపను ఎలా ఉపయోగించాలో ఇక్కడ చూద్దాం..
దోమలను వదిలించుకోవడానికి ఇది సులభమైన మార్గం . కొన్ని వేప ఆకులను తీసుకొని నీటిలో బాగా మరిగించాలి. నీటి రంగు మారి ఆకులు మదువుగా మారినప్పుడు, నీటిని చల్లబరిచిన తర్వాత ఫిల్టర్‌ చేయండి. ఇప్పుడు ఈ ద్రావణాన్ని స్ప్రే బాటిల్‌లో నింపి ఇంటి మూలల్లో, కర్టెన్లు, దోమలు ఎక్కువగా కనిపించే ప్రదేశాలలో స్ప్రే చేయండి. ఈ వాసనకు దోమలు పోతాయి.
తాజా వేప ఆకులను తీసుకొని వాటిని మెష్‌ చేసిన కిటికీలు, తలుపులు లేదా వెంటిలేషన్‌ ఉన్న ప్రదేశాలపై వేలాడదీయండి లేదా ఉంచండి. వేప వాసన దోమలు ఇంట్లోకి రాకుండా నిరోధిస్తుంది. కావాలంటే, వాటిని బాత్రూమ్‌ కిటికీపై కూడా ఉంచవచ్చు.
వేప పేస్ట్‌ తయారు చేసుకుని చర్మానికి అప్లై చేసుకోవటం వల్ల చర్మాన్ని దోమల నుండి రక్షించడంలో సహాయపడుతుంది. తాజా వేప ఆకులను గ్రైండ్‌ చేసి పేస్ట్‌ తయారు చేసుకోండి. కావాలంటే, దానికి కొంచెం కొబ్బరి నూనె కూడా యాడ్‌ చేసుకోవచ్చు. ఇప్పుడు ఈ పేస్ట్‌ను పడుకునే ముందు చేతులు, కాళ్ళు, మెడపై రాయండి. దీని బలమైన వాసన దోమలు మీ దగ్గరికి రానివ్వదు, ఇది పిల్లలకు కూడా సురక్షితం.
పొగతో ఇబ్బంది లేకుంటే.. వేప ఆకులను కాల్చడం వల్ల ఉపయోగకరంగా ఉంటుంది. ఒక చిన్న గిన్నెలో లేదా ఏదైనా మట్టి కుండలో కొన్ని వేప ఆకులను కాల్చండి. దీనివల్ల తేలికపాటి పొగ వస్తుంది. ఇది దోమలను తరిమికొట్టడంలో ప్రభావవంతంగా పనిచేస్తుంది. ఇది ఎలాంటి సమస్యను కలిగించదు. అయితే, పిల్లలు, పెంపుడు జంతువులను దాని నుండి దూరంగా ఉంచండి.
ఇంట్లో దోమలను వదిలించుకోవడానికి వేప ఆకులతో తయారు చేసిన నీటితో ఫ్లోర్‌ క్లీన్‌ చేసుకోవచ్చు. స్ప్రే ద్రావణాన్ని తయారు చేసినట్లే, దానిలో నీటి పరిమాణాన్ని పెంచి చల్లబరచండి. ఇంటిని తుడుచుకున్నప్పుడు ఈ నీటిని కలపండి. ఇది దోమలు, నేలపై నివసించే గుడ్లను తొలగించడంలో సహాయపడుతుంది. వేప వాసన కారణంగా దోమలు పారిపోతాయి. మీరు కావాలనుకుంటే వేప నూనెను కూడా వాడుకోవచ్చు.