సరికొత్త సోషియో ఫాంటసీ

అవినాశ్‌ తిరువీధుల హీరోగా, దర్శకుడిగా పరిచయమవుతున్న సినిమా ‘వానర’. సిమ్రాన్‌ చౌదరి హీరోయిన్‌. నందు ప్రతినాయకుడిగా కనిపించ నున్నారు. సాయిమాధవ్‌ బుర్రా డైలాగ్స్‌ అందిస్తున్న ఈ సినిమా సోషియో ఫాంటసీ కథతో ప్రేక్షకుల్ని ఆకట్టుకునేందుకు రాబోతోంది. ఈ చిత్రాన్ని శంతను పతి సమర్పణలో సిల్వర్‌ స్క్రీన్‌ సినిమాస్‌ బ్యానర్‌ పై అవినాశ్‌ బుయానీ, ఆలపాటి రాజా, సి.అంకిత్‌ రెడ్డి నిర్మిస్తున్నారు. వివేక్‌ సాగర్‌ మ్యూజిక్‌ ఈ సినిమాకు ప్రత్యేక ఆకర్షణ కాబోతోంది. బుధవారం రిలీజ్‌ చేసిన ఫస్ట్‌ లుక్‌ పోస్టర్‌లో హీరో అవినాశ్‌ బైక్‌ పై వెళ్తుండగా, ఆయనకు రక్షణగా హనుమంతుడు వెంటే వెళ్తున్న స్టిల్‌ ఆసక్తి కలిగిస్తోంది. ఈ సినిమా త్వరలోనే థియేట్రికల్‌ రిలీజ్‌కు రెడీ అవుతోంది. ఖడ్గం పథ్వీ, కోన వెంకట్‌, సత్య, ఆమని, శివాజీ రాజా, ఛమ్మక్‌ చంద్ర, రచ్చ రవి తదితరులు నటిస్తున్న ఈచిత్రానికి ప్రొడక్షన్‌ డిజైనర్‌ – నార్ని శ్రీనివాస్‌, ఎడిటర్‌ – ఛోటా కె ప్రసాద్‌, డీవోపీ – సుజాత సిద్ధార్థ్‌, మ్యూజిక్‌ – వివేక్‌ సాగర్‌, డైలాగ్స్‌ – సాయిమాధవ్‌ బుర్రా.