కొంపెల్లిని అభివృద్ధి చేసేందుకు నిర్మలను ఆశీర్వదించండి..

– నిర్మలను అత్యధిక మెజారిటీతో గెలిపించండి..

• ఆపదలో ఉన్న కుటుంబాలకు , గ్రామ అభివృద్ధికి వెదిరే పూలమ్మ ఫౌండేషన్ కృషి

వెదిరే పులమ్మ ఫౌండేషన్ చైర్మన్ వెదిరే మెగారెడ్డి…

నవతెలంగాణ మునుగోడు:

కొంపెల్లి గ్రామాన్ని అన్ని రంగాలలో అభివృద్ధి చేసేందుకు సర్పంచ్ అభ్యర్థిగా నామినేషన్ వేసిన జీడిమడ్ల నిర్మల దశరథ ను ఆశీర్వదించాలని వెదిరే పూలమ్మ ఫౌండేషన్ చైర్మన్ వెదిరే మెగా రెడ్డి గ్రామ ప్రజల్ని కోరారు. శనివారం కొంపల్లి గ్రామపంచాయతీలో అభ్యర్థి నిర్మల నామినేషన్ ను మెగారెడ్డితో కలిసి ఎన్నికల రిటర్నింగ్ అధికారికి అందజేశారు. ఈ సందర్భంగా మెగా రెడ్డి మాట్లాడుతూ గత కొన్ని సంవత్సరాలుగా గ్రామపంచాయతీ కార్మికుడిగా గ్రామంలో పనిచేస్తున్న కార్మికున్ని గెలిపించుకుంటే గ్రామం ఆదర్శ గ్రామంగా అభివృద్ధి చెందడం ఖాయమని అన్నారు.

గ్రామంలో ఆపదలో ఉన్న కుటుంబాలకు అండగా ఉండాలని గొప్ప లక్ష్యంతో వేదిరే పూలమ్మ ఫౌండేషన్ ఆధ్వర్యంలో చేపట్టిన సేవా కార్యక్రమాలలో దశరథ శ్రమ చాలా ఉందని గుర్తు చేశారు . ప్రజల కోసం , గ్రామ అభివృద్ధి కోసం కృషి చేసే నిర్మల దశరథను గ్రామ ప్రజలు అత్యధిక మెజార్టీతో గెలిపించాలని కోరారు. గ్రామ అభివృద్ధి కోసం వేదిరే పూలమ్మ ఫౌండేషన్ ఎల్లప్పుడు ముందంజలో ఉంటుందని తెలిపారు. ఈ కార్యక్రమంలో పప్పుల రమణారెడ్డి ,వేదిరే పూలమ్మ ఫౌండేషన్ సభ్యులు తదితరులు ఉన్నారు.