పంతులూ.. నేను గెలుస్తానా.!

జ్యోతిషులను ఆశ్రయిస్తున్నా ఆశావాహులు
నవతెలంగాణ – మల్హర్ రావు
పంతులూ.. ఎన్నికల బరిలోకి దిగితే గెలుస్తానా..నా జాతకచక్రం ఎలా ఉందంటూ ఆశావహులు జ్యోతిషులను ఆశ్రయిస్తున్నారు. మాకు అనుకూలంగా రిజర్వేషన్ ఉంది. సర్పంచ్ కావాలని ఎప్పటి నుంచో కోరిక ఉంది. పోటీ చేయాలనుకున్నా.. ఇంతకు నా జాతకం బాగుందా..? నామినేషన్ ఎప్పుడు వేయాలి.పక్కా గెలుస్తానా అని ఆరా తీస్తున్నారు. ఫలానా పంతులు బాగా చెబుతాడు అంటే అక్కడికి వెళ్లి తమ అదృష్టాన్ని పరీక్షించుకుంటున్నారు. పంతుళ్లు, జ్యోతిషులు సూచన మేరకు ఆలయాల్లో పూజలు, అభిషేకాలు, యాగాలు చేయిస్తున్నారు. ఏదేమైనా పంచాయతీ ఎన్నికలు ఆశావహులను గుళ్లు, గోపురాలు, జ్యోతిషుల చుట్టూ ప్రదక్షిణలు చేయిస్తుండడం విశేషం.