అన్నా డబ్బులున్నాయా.!

వడ్డీ ఎంతైనా ఓకే
నగదు కోసం జీపీ పోటీ దారులు పాట్లు
నవతెలంగాణ – మల్హర్ రావు
అన్నా సర్పంచ్ రిజర్వేషన్ కలిసొచ్చిoది ఏమైనా డబ్బులున్నయా..రూ.25 లక్షల నుంచి రూ.50 లక్షల వరకు చూడు అత్యవసరమన్నా.. నేను గెలిస్తే నీవు గెలిచినట్లే’ అని పంచాయతీ పోటీదారులు అప్పుల కోసం ఆరాటపడుతున్నారు.డిసెంబర్ 11, 14, 17 తేదీల్లో ఎన్నికలు నిర్వహించేందుకు ఈసీ నిర్ణయించిన నేపథ్యంలో నగదు సమకూర్చుకునే పనిలో బిజీగా ఉన్నారు.మండలంలో 15 గ్రామపంచాయతీలు,128 వార్డులకు ఎన్నికలు జరగనున్నాయి.సర్పంచ్ గా,వార్డు సభ్యులుగా పోటీచేసే వారు ఎంత ఖర్చులైన సరే గెలవాల్సిందేనని ఆశావహులు పట్టుదలతో ఉన్నట్లుగా తెలుస్తోంది.వెయ్యి మంది నుంచి 5 వేల మంది ఓటర్లకు పైగా ఉన్న గ్రామాల్లో సర్పంచ్ గా పోటీ చేసేందుకు కనీసం రూ.25 లక్షల నుంచి రూ.50 వరకు ఖర్చవుతుందని తెలు స్తోంది. పోటీ చేసే వ్యక్తికి మంచి పేరున్నా.. ఎన్ని సేవా కార్యక్రమాలు చేసినా ఎన్నికల సమయంలో పెద్ద మొత్తం డబ్బు ఖర్చు చేయనిదే గెలిచే పరిస్థితి ఉండదు.అందుకే పోటీదారులంతా అప్పుల కోసం పాట్లు పడుతున్నారు.