నవతెలంగాణ-హైద‌రాబాద్‌: దక్షిణాఫ్రికా తెల్లజాతీయుల్ని చంపుతోందని అమెరికా అధ్యక్షుడు ట్రంప్‌ తీవ్రంగా ఆరోపించారు. వచ్చే ఏడాది జి 20 సదస్సు అమెరికాలో మయామిలో జరగనుంది. అమెరికా నేతృత్వం వహిస్తున్న ఈ శిఖరాగ్ర సమావేశానికి దక్షిణాఫ్రికాను ఆహ్వానించమని ట్రంప్‌ శుక్రవారం ప్రకటించారు. ఇటీవల దక్షిణాఫ్రికాలోని జోహెన్నస్‌బర్గ్‌లో జరిగిన శిఖరాగ్ర సమావేశానికి ట్రంప్‌ హాజరవ్వలేదు.
తాజా పరిణామాలపై ట్రంప్‌ స్పందించి ఎక్స్‌లో పోస్టు చేశారు. ‘కొంతమంది స్థిరనివాసులు ఎదుర్కొంటున్న మానవ హక్కుల ఉల్లంఘనలను దక్షిణాఫ్రికా ప్రభుత్వం గుర్తించడంలో విఫలమైంది. ఇంకా స్పష్టంగా చెప్పాలంటే.. దక్షిణాఫ్రికాలో తెల్లజాతీయుల్ని చంపుతున్నారు. వారి పొలాల్ని తీసుకుంటున్నారు. ఆ దేశంలో ఆఫ్రికన్లు, డచ్‌, ఫ్రెంచ్‌, జర్మన్‌ దేశాలకు చెందిన స్థిర నివాసులు మానవ హక్కుల ఉల్లంఘనలను ఎదుర్కొంటున్నారు అని ట్రంప్‌ ఎక్స్‌ పోస్టులో దక్షిణాఫ్రికా ప్రభుత్వాన్ని ఆయన తీవ్రంగా విమర్శించారు.
