కాంగ్రెసులో పలువురి చేరిక

 నవతెలంగాణ-జన్నారం
ఖానాపూర్ ఎమ్మెల్యే వెడమ బొజ్జు పటేల్ సమక్షంలో, ఆదివారం జన్నారం మండల మాజీ జెడ్పిటిసి ఎర్ర చంద్రశేఖర్, ఫోన్కాల్ మాజీ సర్పంచ్ జక్కు భూమేష్, కలమడుగు మాజీ సర్పంచ్ బొంతల మల్లేష్ వారి అనుచరులతో, కాంగ్రెస్ పార్టీలో చేరారు. వారికి ఖానాపూర్ ఎమ్మెల్యే బొజ్జు పటేల్ కండువా కప్పి పార్టీలోకి ఆహ్వానించారు. సందర్భంగా వారు మాట్లాడుతూ కాంగ్రెస్ బలపరుస్తున్న అభ్యర్థులను గెలిపించుకోవాలన్నారు. కాంగ్రెస్ ప్రభుత్వం చేస్తున్న ప్రజా సంక్షేమ పథకాలను ప్రజలకు వివరించాలని నాయకులకు సూచించారు. కలిసికట్టుగా ఉండి పార్టీ అభివృద్ధికి ప్రతి కార్యకర్త నాయకుడు కృషి చేయాలన్నారు. కార్యక్రమంలో మార్కెట్ కమిటీ చైర్మన్  దుర్గం లక్ష్మి నారాయణ, మండల పార్టీ అధ్యక్ష కార్యదర్శులు ముజాఫర్ అలీ ఖాన్ మేకల మాణిక్యం, పిఎసిఎస్ చైర్మన్ అల్లం రవి  నాయకులు సుభాష్ రెడ్డి మోహన్ రెడ్డి, మామిడిపల్లి ఇందయ్య దుమల రమేష్, షాకీర్ తదితరులు పాల్గొన్నారు.