బ్యాలెట్ బాక్స్ లను పరిశీలించిన అధికారులు

నవతెలంగాణ-కమ్మర్ పల్లి
మండల కేంద్రంలోని మండల పరిషత్ కార్యాలయంలోబ్యాలెట్ బాక్సులు భద్రపరిచిన స్ట్రాంగ్ రూమ్ ను శనివారం మండల పరిషత్ అభివృద్ధి అధికారి చింత రాజ శ్రీనివాస్, ఎస్ఐ అనిల్ రెడ్డి సందర్శించారు. స్థానిక సంస్థల ఎన్నికల నేపథ్యంలో స్ట్రాంగ్ రూమ్ లో భద్రపరిచిన బ్యాలెట్ బాక్స్ లను వారు పరిశీలించారు. బ్యాలెట్ బాక్సుల పనితీరును సిబ్బంది ద్వారా పర్యవేక్షించారు. బ్యాలెట్ బాక్స్ లో ఏమైనా ఇబ్బందులు ఉంటే వెంటనే సరి చేయించాలని సిబ్బందికి సూచించారు. అనంతరం ఎంపీడీవో చాంబర్లో మండలంలో ఎన్నికల నిర్వహణపై ఇరువురి అధికారులు చర్చించారు. ఎన్నికలకు సంబంధించిన రికార్డులను వారు పరిశీలించారు. మండలంలో పోలింగ్ కేంద్రాలు, సమస్యాత్మక పోలింగ్ కేంద్రాలు, బందోబస్తు,  అందుబాటులో ఉన్న బ్యాలెట్ బాక్సులు తదితర వివరాలను ఎంపీడీవో చింత రాజ శ్రీనివాస్, ఎస్ఐ అనిల్ రెడ్డి చర్చించారు. ఎన్నికలు ప్రశాంతంగా జరిగేందుకు చేపట్టిన చర్యలపై సమీక్షించారు.