నవతెలంగాణ – రాజన్న సిరిసిల్ల
రాజన్న సిరిసిల్ల జిల్లా కేంద్రంలోని 17వ బెటాలియన్ లో కానిస్టేబుల్ గా పనిచేస్తున్న మంచి కట్ల అభిలాష్ శుక్రవారం సిరిసిల్ల మానేరు వాగులో ఆత్మహత్య చేసుకున్నాడు. ఈ క్రమంలో ఆయన మృతదేహనికి 17వ బెటాలియన్ కమాండెంట్ ఎంఐ సురేష్ పూలమాలలు వేసి నివాళులర్పించారు. 17వ బెటాలియన్ లో విధులు నిర్వహిస్తున్న 2013వ బ్యాచ్ కు చెందిన కానిస్టేబుల్ మంచకట్ల అభిలాష్ దురదృష్టకర పరిస్థితుల్లో మృతిచెందిన ఘటనపై బెటాలియన్ పోలీస్ శాఖ తీవ్ర దిగ్భ్రాంతిని వ్యక్తం చేస్తోంది.
ఈ వార్తతో మొత్తం 17వ బెటాలియన్ శోకసంద్రంలో మునిగిపోయింది. ఈ విషాద ఘటన అనంతరం ఈనెల 29న బెటాలియన్ లో అధికారులు, సిబ్బంది, అభిలాష్ కు నివాళులు అర్పించారు. రెండు నిమిషాల మౌనాన్ని పాటించారు. అనంతరం బెటాలియన్ కమాండెంట్ ఎం.ఐ. సురేష్ అంత్యక్రియల్లో పాల్గొని అభిలాష్ బౌతికాయానికి పూలమాలలు వేసి నివాళులు అర్పించారు. అనంతరం అధికారులు సిబ్బంది నివాళులు అర్పించారు. ఈ సందర్భంగా బెటాలియన్ కమాండెంట్ఎం. ఐ. సురేష్ మట్లాడుతూ.. అభిలాష్ విధి నిర్వహణలో నిబద్ధతతో, క్రమశిక్షణతో పనిచేసిన సిబ్బందిలో ఒకరిగా నిలిచారన, విధి నిర్వహణలో ఎప్పుడూ ముందు ఉండేవాడని ఆయన మరణం పోలీస్ శాఖకు తీరని లోటు అని పేర్కొన్నారు.
