విత్తనచట్టం 2025పై రైతులకు, డీలర్లకు అవగాహన

నవతెలంగాణ – కన్నాయిగూడెం
కన్నాయిగూడెం రైతు వేదికలో నూతన విత్తన చట్టం 2025 పై రైతులకు, విత్తన డీలర్లకు అవగాహన సదస్సు నిర్వహించారు. ఈ సదస్సులో కొత్త చట్టం లో చేయవలసిన మార్పుల గురించి రైతుల, డీలర్ల నుండి అభిప్రాయాలను కొత్త చట్టంలో తెస్తున్న మంచి మార్పులను, చెయ్యవలసిన అంశాలను మండల వ్యవసాయ అధికారి ముంజ మహేష్ వివరించారు.
1. విత్తనం పై రైతుల హక్కుకు గుర్తింపు, రైతులు విత్తనాలను పండించవచ్చు, వాడుకోవచ్చు, రైతులకు అమ్ముకోవచ్చు. ఈ అంశాలకు  ఈ చట్టం వర్తించదు.
2. అన్ని రకాల విత్తనాల రిజిస్ట్రేషన్ తప్పనిసరి. కేంద్ర ప్రభుత్వం నిర్వహించే విత్తనాల రిజిస్టర్ లో నమోదు అయిన విత్తనాలను విక్రయించాలి.
3. విత్తనాల ప్రమాణాలను ప్రభుత్వం నిర్ణయిస్తుంది. ఆ ప్రమాణాలను పాటించిన విత్తనాలనే అమ్మాలి.
4. విత్తనాలను ఉత్పత్తి చేసేవారు, డీలర్లు, సరఫరాదారులు, నర్సరీ నిర్వాహకులు లైసెన్స్ తీసుకోవడం తప్పనిసరి.
5. విత్తనాల ప్యాకెట్ పై క్యూఆర్ కోడ్, ధర, నాణ్యతా ప్రమాణాలను తప్పకుండా పేర్కొనాలి.
6. నకిలీ విత్తనాలు, నాణ్యతలేని విత్తనాలు అమ్మిన, చట్టం నిర్దేశించిన నియమాలు పాటించకున్నా పది వేల నుండి మూడు లక్షల రూపాయల జరిమానా మరియు మూడు సంవత్సరాల వరకు జైలు శిక్ష విధించవచ్చు.
7. అధికారాలు అన్ని కేంద్రం చేతిలో ఉంటాయి. రాష్ట్రాల అధికారాలు పరిమితం.
8. అత్యవసర పరిస్థితులలో తప్ప విత్తనాల ధరలను నిర్ణయించే అధికారం ప్రభుత్వాలకు లేదు.
9. నకిలీ విత్తనాలు, నాణ్యత లేని విత్తనాల వలన రైతులకు నష్టం జరిగితే నష్టపరిహారం ఇచ్చే నియమాలు పాత చట్టం లో లేవు.
10. సాంప్రదాయ విత్తనాల రక్షణ కోసం నియమాలు లేవు.
11. విదేశాలలో ఉత్పత్తి చేసిన విత్తనాలను మన దేశంలో విక్రయించడానికి అనుమతి.
12. విత్తనాలను సాగు చేసే రైతులకు రక్షణలు లేవు.
13. విత్తనోత్పతి గురించి అంశాలను కొత్త చట్టం లో అవకాశం కల్పించడం
ఈ కార్యక్రమం లో వ్యవసాయ విస్తరణ అధికారి కళ్యాణి, మండల డీలర్లు, రైతులు పాల్గొన్నారు.