స్వతంత్ర అభ్యర్థి భీమరాజు నర్సింగ్
నవతెలంగాణ – చండూరు
మండలంలోని కొండాపురం గ్రామంలో ఎంపీ, ఎమ్మెల్యే స్థాయిలో భారీ ర్యాలీతో ఊరేగింపుతో డ్రోన్ కెమెరా, ఓపెన్ టాప్ కార్లతో భారీ ఎత్తున జన సమీకరణతో ఆటపాటల కోలాటాలతో శనివారం స్వతంత్ర అభ్యర్థి భీమరాజు నర్సింగ్ పుల్లెంల గ్రామంలో తన అనుచరులతో నామినేషన్ ను ఎన్నికల రిటర్నింగ్ అధికారికి అందజేశారు. ఈ సందర్భంగా ఆయన మాట్లాడుతూ.. స్థానిక ఎన్నికల్లో తను సర్పంచిగా గెలిపించాలని కొండాపురం గ్రామ ప్రజలను కోరారు. గ్రామ ప్రజలకు ఎల్లవేళలా అందుబాటులో ఉంటూ బడుగు బలహీన వర్గాల అభివృద్ధికి తోడ్పాడుతూ నిరంతరం ప్రజల మధ్యలో తిరుగుతూ ప్రజల బాగోగులు తెలుసుకుంటూ వారి సమస్యల పరిష్కారనికి కృషి చేస్తానని తెలియజేసారు.
గ్రామ ప్రజలకు సేవ చేయాలనే ద్వేయంతో సర్పంచ్ పదవికికి పోటి చేస్తున్న అని తెలిపారు. గ్రామ అభివృద్ధి,సామాన్య ప్రజల సమస్యలఫై పరిష్కారం చేస్తానని తెలిపారు. గ్రామ పంచాయతీని అన్ని విధాలుగా అభివృద్ధి చేసి ఆదర్శ పంచాయతీగా తీర్చి దిద్దుతామని హామీ ఇచ్చారు. ఈ కార్యక్రమంలో గ్రామస్తులు, మహిళలు ఎత్తున పాల్గొన్నారు.
