వేములవాడలో ఘనంగా దీక్ష దివాస్..
తెలంగాణ తల్లికి పాలాభిషేకం చేసిన బీఆర్ఎస్ నేతలు..
నవతెలంగాణ – వేములవాడ
ఉద్యమ పోరాట స్ఫూర్తి దీక్షా దివస్ అని బిఆర్ఎస్ పార్టీ నాయకులు అన్నారు. వేములవాడ పట్టణంలో శనివారం దీక్ష దివాస్ ను బీఆర్ఎస్ నాయకులు ఘనంగా నిర్వహించారు. తెలంగాణ తల్లికి పాలాభిషేకం చేశారు.అనంతరం అమరవీరుల స్తూపం వద్ద తెలంగాణ రాష్ట్రం రావడానికి తమ ప్రాణ త్యాగాలను అర్పించిన అమరులకు నివాళులర్పించారు. జై తెలంగాణ, జోహర్ అంటూ తెలంగాణ అమరవీరులకు నినాదాలు చేశారు. అనంతరం బిఆర్ఎస్ నాయకులు మాట్లాడుతూ .. తెలంగాణ రాష్ట్రం రావడానికి ప్రధాన కారణమైన కెసిఆర్ పోరాటాలను గుర్తు చేశారు.
తెలంగాణ జైత్రయాత్ర జరగాలని దీక్షకు దిగడం వల్ల ప్రజలంతా రోడ్లపైకి వచ్చి స్వరాష్ట్రం కోసం సబ్బండ వర్గాల ప్రజలు నినదించిన తర్వాత డిసెంబర్ 9 నాటి కేంద్ర మంత్రి చిదంబరం ప్రత్యేక రాష్టాన్ని ప్రకటించారని తెలిపారు. తదుపరి సీమాంధ్ర నాయకుల లాబీయింగ్ తో మళ్లి డిసెంబర్ 23న కేంద్రం ప్రత్యేక తెలంగాణ ప్రకటనను వెనక్కి తీసుకోవడం వల్ల రాష్ట్ర విభజనను కేంద్రం ఆలస్యం చేయడం వల్ల 1200ల మంది విద్యార్థులు బలిదానం చేసుకున్నారని ఆవేదన వ్యక్తం చేశారు,దానికి కాంగ్రెస్ పార్టి కారణమాని తెలిపారు. నేటి ముఖ్యమంత్రి రేవంత్ రెడ్డి నాడు సోనియా గాంధీని బలిదేవతగా అభివర్ణించారని, ఉద్యమంతో సంబంధం లేని వ్యక్తులు నేడు పాలకులుగా ఉండడం దురదృష్టకరమన్నారు అని మండిపడ్డారు.
మళిదశ తెలంగాణ ఉద్యమానికి ఊపిరి పోసిన దీక్ష దివాస్ కార్యక్రమాన్ని కెసిఆర్ ఆమరణ నిరాహార దీక్ష చేపట్టి రాష్ట్రాన్ని తీసుకువచ్చారని గుర్తు చేశారు. ఈ కార్యక్రమంలో మాజీ మున్సిపల్ చైర్పర్సన్ రామతీర్థపు మాధవి, మాజీ ఏఎంసీ చైర్మన్ సీనియర్ నాయకులు ఏనుగు మనోహర్ రెడ్డి, మాజీ కౌన్సిలర్లు నిమ్మశెట్టి విజయ్, మారం కుమార్, సిరిగిరి చందు, జోగిని శంకర్,నీలం శేఖర్, నాయకులు ముద్రకోళ వెంకన్న,నీరటి మల్లేశం వార్డు నాయకులు, మైనార్టీ నాయకులు యూత్ వింగ్ నాయకులు తదితరు పాల్గొన్నారు.
