సమాజంలో అసమానతలు తొలగిపోవాలి, మహిళలు చదువుకోవాలి అని నినదించిన మహాత్మ జ్యోతిబా ఫూలే జీవిత చరిత్ర ఆధారంగా నిర్మించిన సినిమా ‘పూలే’. హిందీలో విడుదలై, సూపర్ హిట్ అయిన ఈ చిత్రాన్ని తెలుగులోనూ విడుదల చేస్తున్నారు. ఇందులో జ్యోతిబా ఫూలే పాత్రను ప్రతీక్ గాంధీ, సావిత్రిబాయి ఫూలే పాత్రను పాత్రలేఖ పోషించారు. మంత్రి పొన్నం ప్రభాకర్ సోదరుడు పొన్నం రవిచంద్ర ఈ సినిమాను తెలుగులోకి అనువాదం చేసి విడుదల చేస్తున్నారు. జ్యోతిబా ఫూలె వర్ధంతి సందర్బంగా ప్రసాద్ ల్యాబ్లో తెలుగు ట్రైలర్ను రిలీజ్ చేశారు. ఈ తెలుగు వర్షన్కు ఎం.ఎం శ్రీలేఖ సంగీతం అందించారు. రెండు పాటలతో పాటు ట్రైలర్ను కూడా విడుదల చేశారు.
ఈ కార్యక్రమంలో మంత్రి పొన్నం ప్రభాకర్తో పాటు ప్రభుత్వ సలహాదారు కె.కేశవరావు, సీనియర్ కాంగ్రెస్ నేత వి.హనుమంతరావు, బీసీ కమిషన్ చైర్మన్ నిరంజన్, తెలంగాణ సాంస్కృతిక సారధి చైర్మన్ వెన్నెల, గాయని విమలక్క, సీనియర్ జర్నలిస్ట్ పాశం యాదగిరి, ఫైనాన్స్ కమిషన్ చైర్మన్ సిరిసిల్ల రాజయ్య తదితరులు పాల్గొన్నారు. సుపద క్రియేషన్స్ బ్యానర్ పై డా.పొన్నం రవిచంద్ర నిర్మించిన ఈ సినిమాకు అనంత నారాయణ్ మహదేవన్ దర్శకత్వం వహించారు. సహ నిర్మాతగా సి.వి నవీన్ కుమార్ వ్యవహరిస్తున్నారు. ఈ చిత్రానికి పాటలు: పూర్ణాచారి, శ్రీదేవి తంగెళ్ల, మాటలు: చేతన్ కత్తి, నిర్మాణ పర్యవేక్షణ: చేతన్ కత్తి, గౌని తిరుపతి.
తెలుగులోనూ ‘ఫూలే’ విడుదల
- Advertisement -
- Advertisement -
RELATED ARTICLES



