మూడు వేల డ్రోన్లతో ‘తెలంగాణ ఈజ్‌ రైజింగ్‌, కమ్‌ జాయిన్‌ ద రైజ్‌’ ఆవిష్కరణ
తెలంగాణ రైజింగ్‌ గ్లోబల్‌ సమ్మిట్‌ ముగింపు సందర్భంగా గిన్నిస్‌ వరల్డ్‌ రికార్డుకు ప్రయత్నం
నవతెలంగాణ ప్రత్యేక ప్రతినిధి-హైదరాబాద్‌
భారత్‌ ఫ్యూచర్‌ సిటీలో డిసెంబర్‌ 9న జరగబోయే తెలంగాణ రైజింగ్‌ గ్లోబల్‌ సమ్మి ట్‌ ముగింపు సందర్భంగా గిన్నిస్‌ వరల్డ్‌ రికార్డు నెలకొల్పేలా డ్రోన్‌ షో నిర్వహించేందుకు రాష్ట్ర ప్రభుత్వం సన్నాహాలు చేస్తున్నది. ఒకేసారి మూడు వేల డ్రోన్లతో ఆకాశంలో ‘తెలంగాణ ఈస్‌ రైజింగ్‌, కమ్‌. జాయిన్‌ ద రైజ్‌’ అనే అక్షరాల సమాహారం ఆవిష్క రించేలా డ్రోన్‌ షో నిర్వహించనున్నారు. ఇప్పటి వరకు డ్రోన్లతో ఆకాశంలో అత్యంత పొడవైన వాక్యాన్ని ప్రదర్శించిన రికార్డు యునైటెడ్‌ అరబ్‌ ఎమిరెట్స్‌ అబుదాబీ పేరిట ఉంది. 2025 నూతన సంవత్సర వేడుకల సందర్భంగా 2,131 డ్రోన్లతో ‘హ్యాపీ న్యూఇయర్‌’ అనే వాక్యాన్ని ప్రదర్శించి ఈ రికార్డును అందుకుంది. అంతకు మించిన సంఖ్యలో డ్రోన్లను ఉపయోగించి గ్లోబల్‌ సమ్మిట్‌ ముగింపు వేడుకల్లో అద్భుతమైన డ్రోన్‌ షో నిర్వహించ నుంది. డ్రోన్‌షోతో తెలంగాణ రైజింగ్‌ నినాదాన్ని గగనతలంలో ప్రదర్శించి ప్రపంచ రికార్డు అధిగమించేందుకు ఏర్పాట్లు చేస్తున్నది.
