స్థానిక ఎన్నికల్లో మహిళలదే నిర్ణయాధికారం
నవతెలంగాణ – మల్హర్ రావు
సర్పంచ్ ఎన్నికల షెడ్యూల్ విడుదల కావటంతో పల్లెల్లో ఎన్నికల సందడి మొదలైంది. ఆశావహులు ఓటర్లను మచ్చిక చేసుకునే పనిలో నిమగ్నమయ్యారు. అయితే పురుషులతో పోలిస్తే మండలంలో మహిళా ఓటర్లు 512 వేల పైచిలుకు అధికంగా ఉన్నారు. వీరిని ప్రసన్నం చేసుకుంటే గెలుపు ఖాయమని భావిస్తున్నారు. మండలంలో 15 పంచాయతీలు,128 వార్డులు, ఉండగా,22,446 మంది ఓటర్లు ఉన్నారు.వారిలో 11,479 మంది మహిళలు కాగా,10,967 మంది పురుష ఓటర్లు ఉన్నారు. కాగా పురు షులతో పోలిస్తే మహిళా ఓటర్లు 512 అదనంగా ఉన్నారు.దీంతో మహిళా ఓటర్లను ప్రసన్నం చేసుకునే పనిలో ఆశావహులు నిమగ్నమయ్యారు.అన్ని గ్రామాల్లో మహిళా ఓటర్లే అధికంగా ఉన్నారు. పురుషుల ఓట్లతో పోలిస్తే మహిళా ఓటర్లు ఒక్కో గ్రామంలో 20 నుంచి 100కి పైగా ఎక్కువగా ఉన్నారు.దీంతో స్థానిక సంస్థల ఎన్నికల్లో నేతల గెలుపోటముల్లో మహిళా ఓటే కీలకం కానుంది.
కుల సంఘాలకు గాలం…
ఆశావహులు గంపగుత్త ఓట్ల కోసం కుల సంఘాలను ప్రసన్నం చేసుకుంటున్నారు. గంప గుత్తగా ఓట్లు వేస్తే వంటపాత్రలు, టెంట్ హౌస్ సామగ్రి, కుల దేవాలయం నిర్మించి ఇస్తామని హామీ ఇస్తున్నారు. ప్రజలు పగలంతా పొలాల పనులకు వెళ్లటంతో ఉదయం, సాయంత్రం వేళ ఓటర్లను కలుస్తున్నారు.మూడవ విడత ఎన్నికలకు కేవలం 15 రోజుల గడువు మాత్రమే ఉండటంతో ఆ మండలాల్లో ఎన్నికల వేడి రాజుకుంది.
