నవతెలంగాణ-కమ్మర్ పల్లి
మండల కేంద్రానికి చెందిన మున్నూరు కాపు సంఘ సభ్యులు దాదాపు 50 మంది ఆదివారం బాల్కొండ కాంగ్రెస్ పార్టీ ఇంచార్జ్ ముత్యాల సునీల్ రెడ్డి సమక్షంలో కాంగ్రెస్ పార్టీలో చేరారు. ముఖ్యమంత్రి రేవంత్ రెడ్డి చేపడుతున్న అభివృద్ధి సంక్షేమ పథకాల పట్ల ఆకర్షితులమై కాంగ్రెస్ పార్టీలో చేరడం జరిగిందని సంఘ సభ్యులు తెలిపారు.కాంగ్రెస్ పార్టీకి మద్దతుగా ముత్యాల సునీల్ కుమార్ నాయకత్వంలో ప్రజాపాలనలో భాగస్వామ్యం కావడానికి కాంగ్రెస్ పార్టిలో చేరినట్లు తెలిపారు. వారందరికీ ముత్యాల సునీల్ కుమార్ కండువాలు కప్పి పార్టీలోకి సాదరంగా ఆహ్వానించారు.
ఈ కార్యక్రమంలో మండల కాంగ్రెస్ పార్టీ అధ్యక్షుడు సుంకెట రవి, మార్కెట్ కమిటీ చైర్మన్ పాలెపు నర్సయ్య, వైస్ చైర్మన్ సుంకెట బుచ్చన్న, కాంగ్రెస్ పార్టీ పట్టణ అధ్యక్షులు సల్లూరి గణేష్, నాయకులు పడాల నడిపి గంగాధర్, సింగిరెడ్డి శేఖర్, ఊట్నూర్ ప్రదీప్, ఆల్గోట్ రంజిత్, వేములవాడ జగదీష్, వెల్మల రాందాస్, వెల్మల పెద్ద సాయన్న, ఆదే గణేష్, ఆదే మోహన్, ఇప్ప చిన్న కిషన్, ఆదే గంగాధర్, దులూర్ కిషన్, పాలెపు చిన్న గంగారాం, తదితరులు పాల్గొన్నారు.
