నేషనల్‌ హెరాల్డ్‌ కేసులో కొత్త ఎఫ్‌ఐఆర్‌..

నవతెలంగాణ – హైదరాబాద్ : నేషనల్‌ హెరాల్డ్‌ కేసులో ఒక కీలక పరిణామం చోటు చేసుకుంది. ఈ కేసులో ఢిల్లీ పోలీసులు కొత్త ఎఫ్‌ఐఆర్‌ను నమోదు చేశారు. ఎన్‌ఫోర్స్‌మెంట్‌ డైరెక్టరేట్‌ ఇచ్చిన సమాచారంతో ఎఫ్‌ఐఆర్‌లో సోనియా గాంధీ, రాహుల్‌ గాంధీలతో పాటు మరో ఆరుగురిపై నేరపూరిత కుట్ర అభియోగాలు నమోదు చేసినట్లు అధికారులు పేర్కొన్నారు. ఈ కేసులో కాంగ్రెస్‌ నేతలు సోనియాగాంధీ, రాహుల్‌ గాంధీ, మోతీలాల్‌ వోరా, ఆస్కార్‌ ఫెర్నాండెజ్‌, సుమన్‌ దూబే, శ్యామ్‌ పిట్రోడాలతోపాటు యంగ్‌ ఇండియా సంస్థ కూడా కుట్ర, మనీలాండరింగ్‌కు పాల్పడినట్టు ఈడీ ఆరోపిస్తోంది.ఈ కేసులో కోల్‌కతా కేంద్రంగా ఉన్న షెల్‌ కంపెనీ ‘డోటెక్స్‌ మర్చండైజ్‌’ పేరును కూడా ఎఫ్‌ఐఆర్‌లో చేర్చారు. డోటెక్స్‌ ద్వారా జరిగిన ఆర్థిక లావాదేవీలు, అసోసియేటెడ్‌ జర్నల్స్‌ లిమిటెడ్‌ను స్వాధీనం చేసుకోవడంలో జరిగిన అక్రమాలపై పోలీసులు దష్టి సారించినట్లు సమాచారం. దీనిపై ఎఫ్‌ఐఆర్‌ నమోదు కావడంతో తదుపరి విచారణలో ఎలాంటి చర్యలు తీసుకుంటారు అనేదానిపై ఉత్కంఠ కొనసాగుతుంది.