దత్తాత్రేయ స్వామి ఆలయంలో దుద్దిళ్ళ శ్రీను బాబు ప్రత్యేక పూజలు

నవతెలంగాణ – కాటారం
కాటారం మండల పరిధిలోని ధన్వాడ గ్రామంలో ఆదివారం శ్రీదత్తాత్రేయ స్వామి ఆలయంలో టీపీసీసీ ప్రధాన కార్యదర్శి దుద్దిళ్ళ శ్రీనుబాబు ప్రత్యేక పూజలు చేశారు. ఈ సందర్బంగా ఆయన మాట్లాడుతూ.. రాష్ట్ర ప్రజలందరూ సుఖసంతోషాలతో, ఆయురారోగ్యాలతో జీవించాలని, సకాలంలో వర్షాలు కురిసి పాడి పంటలు సమృద్ధిగా పండాలని కోరుకున్నట్టు తెలిపారు. అనంతరం వేద పండితులు శ్రీను బాబుకు ఆశీర్వచనం అందించారు. శ్రీ మంత్రకూట సీతారామ గౌతమేశ్వర వేద పాఠశాల విద్యార్థి బృందాన్ని సత్కరించారు.