- Advertisement -
రాంచీ : టీమ్‌ ఇండియా స్టార్‌ బ్యాటర్‌ రోహిత్‌ శర్మ వన్డేల్లో అత్యధిక సిక్సుల వీరుడిగా నిలిచాడు. రాంచీలో దక్షిణాఫ్రికా, టీమ్‌ ఇండియా మధ్య జరుగుతున్న తొలి మ్యాచ్‌ దీనికి వేదికైంది. ప్రేనెలన్‌ సుబ్రాయెన్‌ బౌలింగ్‌లో రోహిత్‌ రెండు వరుస సిక్సులు బాదాడు. ఈ మ్యాచ్‌ ముందు వరకు రోహిత్‌ శర్మ ఖాతాలో వన్డేల్లో 349 సిక్సులున్నాయి. ప్రేనెలన్‌ సుబ్రాయెన్‌ బౌలింగ్‌లో వచ్చిన రెండు వరుస సిక్సులతో రోహిత్‌ శర్మ.. పాకిస్తాన్‌ బ్యాటర్‌ షాహిద్‌ అఫ్రిది పేరిట ఉన్న అత్యధిక సిక్సుల (351) రికార్డును సమం చేశాడు. అనంతరం మార్కో యాన్సన్‌ బౌలింగ్‌లో అతడు అద్భుతమైన సిక్సు బాదాడు. దీంతో హిట్‌మ్యాన్‌ వన్డేల్లో అత్యధిక సిక్సుల (352) వీరుడిగా నిలిచాడు. షాహిద్‌ అఫ్రిది, క్రిస్‌ గేల్‌, సనత్‌ జయసూర్య, ఎంఎస్‌ ధోనీ వంటి హేమా హేమీలను వెనక్కి నెట్టి ఈ జాబితాలో అగ్రస్థానానికి చేరాడు.
- Advertisement -
