చిరంజీవి నటిస్తున్న ఫ్యామిలీ ఎంటర్‌టైనర్‌ ‘మన శంకర వర ప్రసాద్‌ గారు’. అనిల్‌ రావిపూడి దర్శకత్వం వహిస్తున్నారు. ఈ చిత్రంలో చిరంజీవి, వెంకటేష్‌ స్క్రీన్‌ షేర్‌ చేసుకోవడం ఓ విశేషమైతే,
హైదరాబాద్‌లో వేసిన భారీ సెట్‌లో చిరు,. వెంకీలపై స్టైలిష్‌ డ్యాన్స్‌ సాంగ్‌ ఉండటం మరో విశేషం. ఈ సాంగ్‌ షూటింగ్‌ని మేకర్స్‌ ప్రారంభించారు. తొలిసారి చిరు, వెంకీ ఒక ఉత్సాహభరితమైన, గ్రాండ్‌ సెలబ్రేషన్‌ నెంబర్‌లో కలిసి అలరిస్తున్నారు. ఈ సాంగ్‌ కోసం భీమ్స్‌ సిసిరోలియో అద్భుతమైన బీట్స్‌తో పర్ఫెక్ట్‌ డ్యాన్స్‌ నెంబర్‌ని కంపోజ్‌ చేశారు. ఈ పాటలో 500 మందికి పైగా డ్యాన్సర్లు పాల్గొంటున్నారు. ఈ పాటలో సెట్‌ని కలర్‌, రిథమ్‌, వైబ్‌ల కార్నివాల్‌గా మార్చారు. ఇద్దరు స్టార్‌ల కెమిస్ట్రీ, ఎనర్జీ ప్రేక్షకులని, వారి అభిమానులను ఫుల్‌గా ఎంటర్‌టైన్‌ చేయనుంది.
బ్లాక్‌ బస్టర్‌ హిట్‌ ‘మీసాల పిల్ల’కి కొరియోగ్రఫీ చేసిన పొలకి విజయ్ ఈ పాటకు కూడా కొరియోగ్రఫీ అందిస్తున్నారు. అలాగే త్వరలోనే చిరంజీవి, నయనతారలపై చిత్రీకరించిన ఒక మెలోడియస్‌ రొమాంటిక్‌ సాంగ్‌ను విడుదల చేయడానికి చిత్రబృందం సిద్ధమవుతోంది. షైన్‌ స్క్రీన్స్‌, గోల్డ్‌ బాక్స్‌ ఎంటర్‌టైన్‌మెంట్స్‌ బ్యానర్‌ పై నిర్మాతలు సాహు గారపాటి, సుష్మిత కొణిదెల ఈ చిత్రాన్ని నిర్మిస్తున్నారు. అర్చన సమర్పిస్తున్నారు. చిరంజీవి, వెంకటేష్‌, నయనతార, వీటీవీ గణేష్‌ తదితరులు నటిస్తున్న ఈచిత్రానికి సంగీతం – భీమ్స్‌ సిసిరోలియో, డీవోపీ – సమీర్‌ రెడ్డి, ప్రొడక్షన్‌ డిజైనర్‌ – ఎ.ఎస్‌.ప్రకాష్‌, ఎడిటర్‌ – తమ్మిరాజు, రచయితలు – ఎస్‌ కృష్ణ, జి ఆదినారాయణ, ఎగ్జిక్యూటివ్‌ ప్రొడ్యూసర్‌ – ఎస్‌.కృష్ణ, లైన్‌ ప్రొడ్యూసర్‌ – నవీన్‌ గారపాటి, ఎడిషినల్‌ డైలాగ్స్‌ – అజ్జు మహంకాళి, తిరుమల నాగ్‌.
చిరు, వెంకీతో మాస్‌ సాంగ్‌
- Advertisement -
- Advertisement -
Previous article![]( "సమాజానికి ఉపయోగపడే చిత్రాలు")
Next article![]( "ఓట్‌ చోరీ, ఢిల్లీ పేలుళ్ల అంశాలను లేవనెత్తుతాం : ప్రమోద్‌ తివారి")
RELATED ARTICLES
