తొలిదశ సర్పంచ్‌ నామినేషన్లు 25,654

అత్యధికంగా సూర్యాపేట జిల్లాలో 1,387
అత్యల్పంగా ములుగులో 220
వార్డు స్థానాలకు 82,276 నామినేషన్లు
డిసెంబర్‌ 3న అభ్యర్థుల తుది జాబితా

నవతెలంగాణ బ్యూరో – హైదరాబాద్‌
రాష్ట్రంలో తొలి దశ పంచాయతీ ఎన్నికలకు సంబంధించిన నామినేషన్ల పర్వం శనివారం అర్థరాత్రి వరకు కొనసాగింది. చివరి రోజు భారీ సంఖ్యలో నామినేషన్లు దాఖలయ్యాయి. రాష్ట్రంలో 189 మండలాల్లోని 4,236 పంచాయతీలు, 37,440 వార్డులకు తొలిదశలో నిర్వహించే ఎన్నికలకు సంబంధించి దాఖలైన నామినేషన్ల వివరాలను ఎన్నికల సంఘం అధికారులు ఆదివారం వెల్లడించారు. మొదటి విడత సర్పంచ్‌ పదవికి 25,654 నామినేషన్లు, వార్డు స్థానాలకు 82,276 నామినేషన్లు దాఖలయ్యాయి. సర్పంచ్‌ పదవికి అత్యధికంగా సూర్యాపేట జిల్లాల్లో 1,387 నామినేషన్లు దాఖలయ్యాయి. ఈ జిల్లాలో రెండు రోజుల్లో 366 నామినేషన్లు దాఖలు కాగా, చివరి రోజు 1021 నామినేషన్లు దాఖలైనట్టు అధికారులు తెలిపారు. ఆ తర్వాత అత్యధిక నామినేషన్లు దాఖలైన రెండో జిల్లాగా వికారాబాద్‌ నిలిచింది. ఈ జిల్లాల్లో 262 గ్రామ పంచాయతీలకు 1,383 నామినేషన్లు దాఖలయ్యాయి.

ఆ తర్వాత మహబూబాబాద్‌ లో 155 జీపీలకు గాను 1239, ఆ తర్వాత కామారెడ్డి జిల్లాలో 167 జీపీలకు గాను 1,224 నామినేషన్లు, ఆ తర్వాత రంగారెడ్డి జిల్లాలో 174 జీపీలకు గాను 1.169 నామినేషన్లు దాఖలయ్యాయి. అత్యల్పంగా ములుగు జిల్లాలో 48 జీపీలకు గాను 220 నామినేషన్లు దాఖలయ్యాయి. వార్డుల వారీగా తొలిదశలో మొత్తం 37,440 వార్డులకు 82,276 నామినేషన్లు దాఖలయ్యాయి. అత్యధిక రంగారెడ్డి జిల్లాలో 1,530 వార్డులకు గాను 4,540 నామినేషన్లు దాఖలయ్యాయి. ఆ తర్వాత వికారాబాద్‌లో 2,198 వార్డులకు గాను 4,379, ఖమ్మంలో1,740 వార్డులకు గాను 4,041, కామారెడ్డిలో 152 వార్డులకు గాను 3,832, సూర్యాపేటలో 1,442 వార్డులకు గాను 3,791 నామినేషన్లు దాఖల య్యాయి. అత్యల్పంగా ములుగులో 420 వార్డు స్థానాలకు గాను 967 నామినేషన్లు దాఖలైనట్టు అధికారులు వెల్లడించారు. సర్పంచ్‌, వార్డు మెంబర్లకు దాఖలైన నామినేషన్ల పరిశీలన ఆదివారం రాత్రి వరకు కొనసా గుతూనే ఉంది. పరిశీలన పూర్తయిన తర్వాత ఎన్నికల సంఘం అధికారులు సక్రమంగా ఉన్న నామినేషన్ల వివరాలను వెల్లడించే అవకాశం ఉంది.

నేటి నుంచి అప్పీళ్లకు అవకాశం
తిరస్కరణకు గురైన నామినేషన్లపై అభ్యర్థి సంబంధిత రెవెన్యూ డివిజనల్‌, సబ్‌ కలెక్టర్‌ వద్ద రిటర్నింగ్‌ అధికారిపై డిసెంబర్‌ 1 న అప్పీల్‌ చేసుకోవచ్చు. డిసెంబర్‌ 2న అప్లీళ్లను పరిష్కరిస్తారు. డిసెంబర్‌ 3న నామినేషన్ల ఉప సంహరణకు గడువు విధించారు. అదే రోజు మధ్యాహ్నం 3 గంటల తర్వాత బరిలో నిలిచిన అభ్యర్థుల తుది జాబితాను ప్రకటించి ఆల్ఫాబేటికల్‌ వారీగా ఎన్నికల గుర్తులను కేటాయి స్తారు. ఇద్దరు ఒకే పేరుతో ఉంటే ఇంటి పేరు, వృత్తిని పరిగణన లోకి తీసుకుని రిటర్నింగ్‌ అధికారి గుర్తును కేటా యిస్తారు. డిసెంబర్‌ 11న ఉదయం 7 గంటల నుంచి మధ్యా హ్నం ఒంటి గంట వరకు పోలింగ్‌ నిర్వహించి అదే రోజున మధ్యాహ్నం 2 గంటల నుంచి ఓట్లు లెక్కించి ఫలితాలు ప్రకటిం చనున్నారు.