కుంభమేళా కోసం వేలాది చెట్లు నరికివేత

నాసిక్‌ మున్సిపల్‌ కార్పొరేషన్‌ తీర్మానం
సర్వత్రా ఆగ్రహం
పర్యావరణవేత్తలకు షియాజీ షిండే మద్దతు

ముంబయి : మహారాష్ట్రలోని నాసిక్‌ నగరంలో కుంభమేళా ఏర్పాట్ల కోసం వేలాది చెట్లు నరికివేయాలని నిర్ణయం తీసుకోవడంపై స్వరత్రా ఆగ్రహం వ్యక్తమవుతోంది. నాసిక్‌లో 2026 అక్టోబర్‌ 31 నుండి కుంభమేళా ప్రారంభం కానుంది. ఇందుకోసం పంచవటి, తపోవన్‌ ప్రాంతంలో 1,200 ఎకరాల్లో సాధు గ్రామాన్ని ఏర్పాటు చేయనున్నారు. ఇందుకోసం దాదాపు 2 వేల భారీ వృక్షాలను తొలగించాలని నిర్ణయించారు. ఈ మేరకు నవంబర్‌ ప్రారంభంలో నాసిక్‌ మున్సిపల్‌ కార్పొరేషన్‌ తీర్మానం కూడా చేసింది. దీనిపై సర్వత్రా ఆగ్రహం వ్యక్తమ వుతుంది. ఎన్‌సీపీ చీఫ్‌ రాజ్‌ థాకరే, ప్రముఖ నటుడు షియాజీ షిండే కూడా ఈ నిర్ణయాన్ని తీవ్రంగా వ్యతిరేకిస్తున్నారు. కుంభమేళా పేరుతో చెట్లను నరికివేసి, ఆ భూమిని తమకు ఇష్టమైన పారిశ్రా మికవేత్తలకు ఇవ్వాలని ప్రభుత్వం భావిస్తుందని రాజ్‌థాకరే విమర్శించారు. మహారాష్ట్ల్రలోని మంత్రులు, ఎమ్మెల్యేలు భూమిని కబ్జా చేయడం లేదా పారిశ్రామిక వేత్తలకు బ్రోకర్లుగా పని చేస్తున్నారని విమర్శించారు. ‘వేరే ప్రాంతంలో కొత్త చెట్లను నాటుతామని ప్రభుత్వం నకిలీ హామీలు ఇస్తుంది.

అలా ఎప్పుడూ జరగదు. ప్రభుత్వానికి వేరే చోట ఐదు రెట్లు ఎక్కువ చెట్లను నాటడానికి స్థలం ఉంటే, అక్కడే సాధు గ్రామాన్ని ఎందుకు నిర్మిం చకూడదు’ అని ఆయన ప్రశ్నించారు. శివసేన (యుబీటీ) చీఫ్‌ ఉద్ధవ్‌ థాకరే కూడా ఈ నిర్ణయాన్ని వ్యతిరేకించారు. ‘ఈ చెట్లను నరికివేయడం హిందుత్వ పేరుతో జరుగుతున్న అవినీతి. బీజేపీది నకిలీ హిందుత్వం. కాం ట్రాక్టర్లకు ప్రయోజనం చేకూర్చేందుకు చెట్లను నరికివేస్తున్నారు’ అని ఉద్ధవ్‌ విమర్శించారు. అలాగే, ఈ చెట్ల నరికివేత నిర్ణయాన్ని వ్యతిరేకించిన ప్రముఖ నటుడు షియాజీ షిండే పర్యావవేత్తలకు తన మద్దతును ప్రకటిం చారు. ‘చెట్లు మన తల్లిదండ్రులు’ అని తెలిపారు. ‘సాధు గ్రామ్‌ కోసం ఒక్క చెట్టును కూడా నరికివేయడానికి మనం అనుమతించకూడదు. సాధు వులు రావచ్చు, పోవచ్చు, దాని వల్ల ఎటువంటి తేడా ఉండదు, కానీ చెట్లు అదృశ్యం కావడం మన జీవితాలను, మన భవిష్యత్‌ తరాలను ప్రభావితం చేస్తుంది. ఈ ప్రపంచంలో చెట్లు ముఖ్యమైనవి. వాటిని రక్షించాల్సిన అవ సరం ఉంది…. రహస్య ఎజెండాను అమలు చేయవద్దు’ షియాజీ షిండే తెలిపారు. చెట్ల నరికివేతకు వ్యతిరేకంగా ప్రజలు కదలిరావాలని పిలుపునిచ్చారు.