మాస్‌ బీట్‌తో ‘బెెల్లా బెల్లా..’ సాంగ్‌

రవితేజ హీరోగా కిషోర్‌ తిరుమల దర్శకత్వం వహిస్తున్న అవుట్‌ అండ్‌ అవుట్‌ ఎంటర్‌టైనర్‌ ‘భర్త మహాశయులకు విజ్ఞప్తి’. ఎస్‌ఎల్‌వి సినిమాస్‌ బ్యానర్‌పై సుధాకర్‌ చెరుకూరి నిర్మిస్తున్నారు. జీ స్టూడియోస్‌ సమర్పిస్తోంది. రవితేజ సరసన ఆషికా రంగనాథ్‌, డింపుల్‌ హయతి కథా నాయికలుగా నటిస్తున్నారు. మేకర్స్‌ తాజాగా ఫుట్‌ట్యాపింగ్‌ ట్రాక్‌ ‘బెల్లాబెల్లా’తో మ్యూజిక్‌ ప్రమోషన్‌లను ప్రారం భించారు. జానపద సంగీతంతో కూడిన ఫుట్‌ట్యాపింగ్‌ నెంబర్‌తో భీమ్స్‌ సిసిరోలియో కంపోజ్‌ చేశారు. ఇన్‌స్ట్రుమెంటేషన్‌, విజువల్స్‌ను ఎలివేట్‌ చేసే సౌండ్‌స్కేప్‌ను క్రియేట్‌ చేసింది. ఇది ఇన్‌స్టంట్‌గా హిట్‌ అయ్యింది. ‘స్పెయిన్‌ కే అందాలనిట్ట, అద్దిన ఓ పూలా బుట్టా… వీధుల్లో పోతుంటే అట్టా వార్తల్లో రాయాలి చిట్టా’ అంటూ సురేష్‌ గంగుల రాసిన లిరిక్స్‌లో వైబ్‌ అదిరిపోయింది. నకాష్‌ అజీజ్‌, రోహిణి సోర్రాట్‌ ఎనర్జిటిక్‌ వోకల్స్‌తో జోష్‌ను తెచ్చారు. శేఖర్‌ మాస్టర్‌ కొరియోగ్రఫీ కట్టిపడేసింది.

ఈ సినిమా వచ్చే ఏడాది సంక్రాంతికి విడుదల కానుంది. హీరోయిన్‌ డింపుల్‌ హయాతి మాట్లాడుతూ,’చాలా రోజుల తర్వాత చాలా మంచి క్యారెక్టర్‌ చేస్తున్నాను. ఇందులో నా క్యారెక్టర్‌ పేరు బాలమణి. ఆ పేరులోనే వైబ్రేషన్‌ ఉంది. మీ అందరికీ ఈ పాట నచ్చడం చాలా ఆనందంగా ఉంది. మాస్‌ మహారాజా అంటే ఎనర్జీ. అదే ఎనర్జీ సంక్రాంతితో చూడబోతున్నాం’ అని తెలిపారు. ‘మంచి కామెడీ, ఫన్‌, ఎంటర్టైన్మెంట్‌ ఉన్న సినిమా ఇది. సంక్రాంతి నాకు చాలా లక్కీ. ‘నా సామి రంగ’లో వరాలు క్యారెక్టర్‌కి అద్భుతమైన ప్రేమని అందించారు. వరాలు కంటే ఈ క్యారెక్టర్‌ చాలా డిఫరెంట్‌గా ఉంటుంది’ అని హీరోయిన్‌ ఆషికా రంగనాథ్‌ చెప్పారు. డైరెక్టర్‌ కిషోర్‌ తిరుమల మాట్లాడుతూ,’సంక్రాంతికి రిలీజ్‌ అవుతుంది. అందరూ చూసి ఎంజాయ్ చేయండి’ అని అన్నారు.