ఎన్నికల నామినేషన్ క్లస్టర్ కేంద్రం పరిశీలన

నవతెలంగాణ-కమ్మర్ పల్లి 
మండల కేంద్రంలోని గ్రామపంచాయతీ కార్యాలయంలో ఎన్నికల నామినేషన్ క్లస్టర్ కేంద్రాన్ని మండల పరిషత్ అభివృద్ధి అధికారి చింతా రాజ శ్రీనివాస్ గురువారం పరిశీలించారు. ఇప్పటివరకు వచ్చిన నామినేషన్ల వివరాలను రిటర్నింగ్ అధికారి రాజన్నను అడిగి తెలుసుకున్నారు.ఈ సందర్భంగా ఓటరు జాబితాలను పరిశీలించారు. ప్రజలకు ఎలాంటి ఇబ్బందులు తలెత్తకుండా అన్ని జాగ్రత్తలు తీసుకోవాలని రిటర్నింగ్ అధికారికి, సిబ్బందికి సూచించారు. నామినేషన్ వేసేందుకు వచ్చే అభ్యర్థులకు అవసరమైన సహాయ సహకారాన్ని అందించాలని సహాయ కేంద్రం సిబ్బందికి సూచించారు.ఈ సందర్భంగా రిటర్నింగ్ అధికారులకు, సిబ్బందికి పలు సూచనలు చేశారు.