ఇందిరమ్మ ఇల్లు లేని ఊరు లేదు: సీఎం రేవంత్

న‌వ‌తెలంగాణ‌-హైద‌రాబాద్ : హనుమాన్ గుడిలేని ఊరు ఉండొచ్చు.. కానీ ఇందిరమ్మ ఇల్లు లేని ఊరు లేదని సీఎం రేవంత్ అన్నారు. వరంగల్ జిల్లా నర్సంపేట సభలో ఆయన మాట్లాడారు. గత ప్రభుత్వం ఇచ్చిన రుణమాఫీ వడ్డీలకే సరిపోయిందని, తాము ఒకేసారి ₹20,614కోట్లు మాఫీ చేశామని తెలిపారు. ‘కేసీఆర్‌ పదేళ్లు రేషన్ కార్డులు ఇవ్వలేదు. మేం లక్షలాది మందికి ఇచ్చాం. 3.10 కోట్ల మందికి సన్నబియ్యం ఇస్తున్నాం. ఇలా ఎన్నో సంక్షేమ కార్యక్రమాలు అమలు చేస్తున్నాం’ అని చెప్పారు.