సకాలంలో నట్టల నివారణ మందులు వేయించాలి

– సర్పంచ్ కొత్తపల్లి హారిక అశోక్ 
నవతెలంగాణ-కమ్మర్ పల్లి 
రైతులు తమ మేకలు, గొర్రెలకు సకాలంలో నట్టల నివారణ మందులు వేయించాలని సర్పంచ్ కొత్తపల్లి హారిక అశోక్ అన్నారు. బుధవారం మండల కేంద్రంలో పశుసంవర్ధక శాఖ ఆధ్వర్యంలో గొర్రెలకు, మేకలకు నట్టల నివారణ మందుల పంపిణీ శిబిరాన్ని  గ్రామ సర్పంచ్ కొత్తపల్లి హారిక, ఉప సర్పంచ్ కొత్తపల్లి అశోక్ ముఖ్యఅతిథిగా పాల్గొని ప్రారంభించారు.

ఈ సందర్భంగా వారు మాట్లాడుతూ.. రైతులు తమ మేకలు, గొర్రెలు వ్యాధుల బారిన పడకుండా ఉండేందుకు సకాలంలో నటల నివారణ ద్రావణాన్ని తాగించాలన్నారు. రైతుల సౌకర్యం ప్రభుత్వం ఉచితంగా ఏర్పాటు చేస్తున్న నట్టల నివారణ మందు పంపిణీ కార్యక్రమాన్ని సద్వినియోగం చేసుకోవాలన్నారు. మండల పశువైద్యాధికారి డాక్టర్ రాజశేఖర్ రావు మాట్లాడుతూ గొర్రెలు, మేకలకు సకాలంలో నట్టల నివారణ మందులు వేయించడం ద్వారా ఎన్నో లాభాలు ఉన్నాయి అన్నారు. శిబిరంలో 2277 గొర్రెలకు, 244 మేకలకు నట్టల నివారణ ద్రావణాన్ని వేసినట్లు తెలిపారు. ఈ కార్యక్రమంలో పశు వైద్య సిబ్బంది వెటర్నరీ అసిస్టెంట్ ప్రవీణ్ రెడ్డి, గోపాలమిత్ర స్పరన్, తదితరులు పాల్గొన్నారు.