‘మారెమ్మ’ షూటింగ్‌ పూర్తి

రవితేజ సోదరుడు, నటుడు రఘు తనయుడు మాధవ్‌ హీరోగా నటిస్తున్న రూరల్‌ రస్టిక్‌ మూవీ ‘మారెమ్మ’. మంచాల నాగరాజ్‌ దర్శకత్వం వహిస్తున్నారు. మోక్ష ఆర్ట్స్‌ బ్యానర్‌పై మయూర్‌ రెడ్డి బండారు తమ ప్రొడక్షన్‌ నెం.1గా నిర్మిస్తున్నారు. ఇప్పటికే విడుదలైన ఫస్ట్‌ లుక్‌ పోస్టర్‌, గ్లింప్స్‌కి అద్భుతమైన రెస్పాన్స్‌ వచ్చింది. తాజాగా ఈ చిత్రం షూటింగ్‌ పూర్తి చేసుకుంది. ఈ సందర్భంగా మేకర్స్‌ రిలీజ్‌ చేసిన పోస్టర్‌లో మాధవ్‌ ఎద్దును నడిపిస్తూ ధైర్యంగా ముందుకు వస్తూ ఇంటెన్స్‌ లుక్‌లో కనిపించారు. బ్యాక్‌డ్రాప్‌లో శక్తివంతంగా కనిపించే కాళీదేవి విగ్రహం, చుట్టూ గ్రామీణ పండుగ వాతావరణం, జనసందడి ఉత్సాహంతో పాటు ఒక పవర్‌ఫుల్‌ సంఘటనకు సంకేతంగా కనిపిస్తోంది. ఈ చిత్రంలో మాధవ్‌ సరసన దీపా బాలు కథానాయికగా నటిస్తోంది. వినోద్‌ కుమార్‌, వికాస్‌ వశిష్ట, దయానంద్‌ రెడ్డి, వి.ఎస్‌.రూప లక్ష్మి నటిస్తున్న ఈచిత్రానికి కెమెరా : ప్రశాంత్‌ అంకిరెడ్డి, సంగీతం : ప్రశాంత్‌ ఆర్‌ విహారి, ఎడిటర్‌: దేవ్‌ రాథోడ్‌ ఆర్ట్‌ డైరెక్టర్‌ : రాజ్‌కుమార్‌ మురుగేశన్‌.