‘హ‌ర్మూజ్’ గుండా ముంబై ఓడరేవుకు చేరుకున్న చమురు ట్యాంకర్

న‌వ‌తెలంగాణ‌-హైద‌రాబాద్‌: హ‌ర్మూజ్ జ‌ల‌సంధి గుండా ఇండియా చ‌మురు నౌక‌ల‌కు ఇరాన్ గ్రీన్ సిగ్న‌ల్ ఇచ్చిన విషయం తెలిసిందే. లైబీరియన్ జెండా కలిగిన చమురు ట్యాంకర్ ముంబై ఓడరేవుకు చేరుకుంది. సౌదీ అరేబియాలోని రాస్ తనురా ఓడరేవులో ముడి చమురు లోడ్‌ను మోసుకెళ్తున్న ట్యాంకర్ షెన్‌లాంగ్ సూయెజ్‌మాక్స్ బుధవారం ఇరాన్ నౌకను ఇరుకైన జలమార్గం గుండా వెళ్ళడానికి అనుమతించిన తర్వాత ముంబైకి చేరుకుందని ముంబై పోర్ట్ ట్రస్ట్ తెలిపింది.

ఫిబ్రవరి 28న టెహ్రాన్‌పై అమెరికా-ఇజ్రాయెల్ సైనిక ప్రచారం ప్రారంభమైనప్పటి నుండి ఇరాన్ జలసంధిని పూర్తిగా తమ నియంత్రణలోకి తీసుకుంది. దీంతో ప్రపంచ వ్యాప్తంగా చమురు సంక్షోభం ఏర్పడింది. ఈ మార్గం మూసేయడంతో ప్రపంచంలో మూడో అతిపెద్ద చమురు వినియోగదారుడైన భారత్ ప్రత్యామ్నాయాలను అన్వేషించాల్సి వచ్చింది. దీంతో రష్యా నుంచి కొనుగోళ్లు కూడా పెరిగాయి.