సోషల్ మీడియా పోస్టులు.. బీఆర్ఎస్ నాయకులపై కేసు నమోదు

నవతెలంగాణ – రామాయంపేట : మాజీ ఎమ్మెల్యే మైనంపల్లి హనుమంతరావుపై సోషల్ మీడియాలో అనుచిత వ్యాఖ్యలు చేశారని వచ్చిన ఫిర్యాదు మేరకు, ఇద్దరు బీఆర్ఎస్ నాయకులపై పోలీసులు మంగళవారం కేసు నమోదు చేశారు. పోలీసులు వివరాల ప్రకారం, అక్కన్నపేట గ్రామానికి చెందిన నరేందర్ రెడ్డి, శ్రీకాంత్ సాగర్‌పై ఐటీ యాక్ట్ ప్రకారం కేసు నమోదు చేసినట్లు ఎస్సై బాలరాజు వెల్లడించారు. సోషల్ మీడియాలో పోస్ట్ చేసిన వ్యాఖ్యలు అభ్యంతరకరంగా ఉన్నాయని కాంగ్రెస్ కార్యకర్తలు ఫిర్యాదులో పేర్కొన్నారు. ఈ కేసు నమోదుతో స్థానికంగా రాజకీయ వర్గాల్లో పెద్ద ఎత్తున చర్చ జరుగుతోంది. సోషల్ మీడియాలో పోస్టుల విషయంలో మరింత అప్రమత్తంగా ఉండాలని పోలీసులు సూచిస్తున్నారు. కేసు దర్యాప్తు కొనసాగుతుందని ఎస్సై బాలరాజు తెలిపారు.