అందమైన ప్రేమకథ

ఎంజీఆర్‌ తుకారాం దర్శకత్వంలో ఓ బ్యూటీఫుల్‌ లవ్‌స్టోరీ తెరకెక్కుతోంది. ఎస్‌ఎల్‌ఎన్‌ సినీ క్రియేషన్స్‌, ప్రణధి క్రియేషన్స్‌, నవ నారాయణ సినీ క్రియేషన్స్‌ బ్యానర్స్‌ పై కీర్తన నరేష్‌, టి.ఆర్‌.ప్రసాద్‌ రెడ్డి వెంకట్రాజుల, గాయిత్రమ్మ అంజనప్ప నిర్మిస్తున్నారు. ఈ చిత్రానికి ‘కాగితం పడవలు’ అనే టైటిల్‌ పెట్టారు.
మేకర్స్‌ రిలీజ్‌ చేసిన గ్లింప్స్‌ ఆడియన్స్‌ని కట్టిపడేసింది.
‘చాలా దూరం వెళ్ళిపోయావు గోదావరి. నిన్ను ఎక్కడ వదిలేశానో అక్కడే నిలబడి ఉన్నాను రామ్‌’ అనే డైలాగ్స్‌ ప్రేమకథలోని డెప్త్‌ని తెలియ జేస్తున్నాయి. తీరంలో ఓ జంట కలుసుకోవడం, విజువల్స్‌, నేపథ్య సంగీతం అన్నీ అద్భుతంగా ఉండటంతో సినిమాపై చాలా క్యురియాసిటీ పెంచాయి. దర్శకుడు లవ్లీ ఎమోషన్స్‌, హదయాన్ని తాకే కథ, అందమైన విజువల్స్‌తో ఈ చిత్రాన్ని మలిచినట్లు గ్లింప్స్‌ చెప్పకనే చెప్పింది. సోషల్‌ మీడియాలో గ్లింప్స్‌ వీడియో విస్తతంగా షేర్‌ అవుతోంది. గ్లింప్స్‌ రానున్న ప్రమోషనల్‌ కంటెంట్‌ పై కూడా చాలా మంచి అంచనాలు పెంచింది. అలాగే ఇప్పటివరకు ఎన్నో ప్రేమకథలొచ్చాయి. వాటికి భిన్నంగా ప్రేక్షకుల మనసుల్ని హత్తుకునేలా ఈ ప్రేమకథ ఉంటుంది అని మేకర్స్‌ తెలిపారు.
ఈ చిత్రానికి రచన- దర్శకత్వం: ఎంజీఆర్‌ తుకారాం, సంగీతం : ఏఐఎస్‌ నౌఫల్‌ రాజా, డీవోపీ: రుద్రసాయి, జానా, ఎడిటర్‌: జెస్విన్‌ ప్రభు, ఎగ్జిక్యూటివ్‌ ప్రొడ్యూసర్‌: ఎం.హిమ బిందు, సాహిత్యం: రెహమాన్‌.