భిన్న మైథలాజికల్‌ థ్రిల్లర్‌

కుశలవ్‌, తన్మయి జంటగా దర్శకుడు వెంకట్‌ బులెమోని రూపొందిస్తున్న భారీ పాన్‌ ఇండియా మైథలాజికల్‌ థ్రిల్లర్‌ మూవీ ‘మయూఖం’.
సినెటేరియా మీడియా వర్క్స్‌ బ్యానర్‌ పై శ్రీలత వెంకట్‌ నిర్మిస్తున్నారు.
శుక్రవారం పూజా కార్యక్రమాలతో ఈ సినిమా ప్రారంభోత్సవం ప్రసాద్‌ ల్యాబ్స్‌లో ఘనంగా జరిగింది. ముహూర్తపు సన్నివేశానికి టీ సిరీస్‌ మ్యూజిక్‌ నుంచి ప్రియాంక మన్యాల్‌ క్లాప్‌ నివ్వగా, సంగీత దర్శకుడు ఆర్పీ పట్నాయక్‌ కెమెరా స్విచ్ఛాన్‌ చేశారు. దర్శకుల సంఘం ప్రెసిడెంట్‌ వీర శంకర్‌ ఫస్ట్‌ షాట్‌ డైరెక్షన్‌ చేశారు. నిర్మాత తుమ్మలపల్లి రామసత్యనారాయణ మూవీ టీమ్‌కు బెస్ట్‌ విషెస్‌ అందించారు.
డైరెక్టర్‌ వెంకట్‌ బులెమోని మాట్లాడుతూ,’మా సినెటేరియా మీడియా వర్క్స్‌ సంస్థ ఎన్నో సూపర్‌ హిట్‌ చిత్రాలకు ఇన్‌ ఫిల్మ్‌ బ్రాండింగ్‌ చేసింది. అందులో ప్రస్తుతం ‘రాజా సాబ్‌’ మూవీ ఉంది. ఇప్పటివరకు దాదాపు 140 సినిమాలు చేశాం. ఇటీవలే డిస్ట్రిబ్యూషన్‌ రంగంలోకి కూడా అడుగుపెట్టాం. మైథలాజికల్‌ థ్రిల్లర్‌ మూవీ ఇది. దీన్నొక ఫ్రాంఛైజీలా, ఒక యూనివర్స్‌లా క్రియేట్‌ చేయ బోతున్నాం. వందశాతం ఇన్‌ ఫిల్మ్‌ బ్రాండింగ్‌తో వస్తున్న తొలి ఇండియన్‌ మూవీ ఇదే. హిస్టారికల్‌, మైథలా జికల్‌ అంశాలతో వాస్తవాల ఆధారంగా ఈ సినిమాను రూపొందిస్తున్నాం. ఇది తప్పకుండా విశేష ఆదరణ పొందుతుంది’ అని తెలిపారు.
‘ఈ చిత్రంతో నా లైఫ్‌లో మరో ఫేజ్‌లోకి ఎంటర్‌ అవుతున్నా. డైరెక్టర్‌ వెంకట్‌ ఎంత హార్డ్‌ వర్కర్‌ అనేది నాకు తెలుసు. ఈ చిత్రంలో బిజినెస్‌ పరంగానే కాదు టెక్నికల్‌గా కూడా కొత్తగా ప్రయత్నిస్తున్నాం. మీ అందరికీ మా నటన నచ్చుతుంది’ అని హీరో కుశ్‌ లవ్‌ చెప్పారు. హీరోయిన్‌ తన్మయి మాట్లాడుతూ,’ఈ సినిమాలో హీరోయిన్‌గా నేను పర్పెక్ట్‌గా సెట్‌ అవుతానని నమ్మి, నాకు అవకాశం ఇచ్చిన డైరెక్టర్‌ వెంకట్‌కి థ్యాంక్స్‌. నా గత చిత్రాల్లాగే ఈ సినిమాలో కూడా మంచి క్యారెక్టర్‌ లభించింది’ అని తెలిపారు.