థైరాయిడ్‌ వేధిస్తుంటే…

థైరాయిడ్‌ సమస్యలు శరీరంపై ప్రతికూల ప్రభావాన్ని చూపుతాయి. కానీ, థైరాయిడ్‌ గురించి చింతించాల్సిన అవసరం లేదని నిపుణులు చెబుతున్నారు. దీనికి వైద్యపరంగా చికిత్స చేయవచ్చు అంటున్నారు నిపుణులు. చికిత్సతోపాటు, ఆహారంలో మార్పులు కూడా అవసరం అంటున్నారు. మీకు థైరాయిడ్‌ సమస్యలు ఉంటే కొన్ని ఆహారాలు తప్పక మీ డైట్‌లో చేర్చుకోవాలని నిపుణులు సూచిస్తున్నారు.
బ్రెజిల్‌ నట్స్‌ దీనికి అద్భుతమైన ఆహార వనరు. చేపల్లో ఒమేగా-3 కొవ్వు ఆమ్లాలు, సెలీనియం పుష్కలంగా ఉంటాయి. అలాగే సముద్రపు చాపలను భోజనంలో ఎక్కువగా చేర్చుకోవాలి.
పెరుగు, ఐస్‌ క్రీం, పాలు వంటి పాల ఉత్పత్తుల్లో మంచి మొత్తంలో అయోడిన్‌ ఉంటుంది. థైరాయిడ్‌ గ్రంథులు పెరగకుండా నిరోధించడానికి అయోడిన్‌ అవసరం. గుడ్లలో సెలీనియం, అయోడిన్‌ రెండూ అధిక మొత్తంలో ఉంటాయి. గరిష్ట ఆరోగ్య ప్రయోజనాల కోసం మొత్తం గుడ్డును తినండి. ఎందుకంటే పచ్చసొనలో ఎక్కువ పోషకాలు ఉంటాయి.
థైరాయిడ్‌ను సమతుల్యంగా ఉంచడానికి అయోడిన్‌తో పాటు సెలీనియం, విటమిన్‌ డి కూడా అవసరం. దీనితో పాటు, పండ్లలోని యాంటీఆక్సిడెంట్లు కూడా చాలా ముఖ్యమైనవి. థైరాయిడ్‌ హార్మోన్‌ లోపం వస్తే, లేదా వ్యాధి అదుపు లేకుండాపోతే శరీరంలో సమస్యలు అనేక విధాలుగా కనిపిస్తాయి. కాబట్టి, నిర్లక్ష్యం చేయరాదని నిపుణులు సూచిస్తున్నారు.