ఈతరం అమ్మాయిల కథ

అంకిత్‌ కొయ్య, నీలఖి జంటగా విజయ్‌ పాల్‌ రెడ్డి అడిదల, ఉమేష్‌ కుమార్‌ భన్సల్‌ సంయుక్తంగా నిర్మించిన చిత్రం ‘బ్యూటీ’. జీ స్టూడియోస్‌, మారుతీ టీం ప్రొడక్ట్స్‌, వానర సెల్యూలాయిడ్‌ సంయుక్తంగా తెరకెక్కించారు. జె.ఎస్‌.ఎస్‌. వర్ధన్‌ మాటలు, దర్శకత్వ బాధ్యతల్ని నిర్వహించారు. ఈ చిత్రం ఈనెల 19న విడుదల కాబోతోంది. ఈ నేపథ్యంలో కీలక పాత్రలు పోషించిన నరేష్‌, వాసుకి మంగళవారం మీడియాతో ముచ్చటించారు. నరేష్‌ మాట్లాడుతూ, ‘ఎంటర్టైన్మెంట్‌, ఎమోషన్స్‌ రెండూ ఉన్న సినిమా ఇది. ఫ్యామిలీ మొత్తం చూడొచ్చు. ఈ సినిమాలో ప్రస్తుత జనరేషన్‌ తమని తాము చూసుకుంటారు. ఈ సినిమా చూసి అమ్మాయిలకు వాళ్ళ ఫాదర్‌ గుర్తొచ్చి, కంట్లో నీళ్లు రాకపోతే నన్ను అడగండి’ అని తెలిపారు. ‘ఈ కథ విన్నప్పుడు ఒక తల్లిగా నేను కనెక్ట్‌ అయ్యాను. ఒక తల్లికి, అమ్మాయికి ఉండాల్సిన అవగాహన, బాధ్యత ఉన్నాయి ఈ కథలో. అంకిత్‌ చాలా సెన్సిబుల్‌ యాక్టర్‌. ఈ సినిమా కథ ఇప్పటి జనరేషన్‌ అమ్మాయిల అందరి చుట్టూ తిరుగుతుంది. ఈ సినిమా చూస్తే అమ్మాయిలు – వాళ్ళ తండ్రుల మధ్య ఉన్న సమస్యలు తీరిపోతాయి’ అని నటి వాసుకి చెప్పారు.