‘ది గ్రేట్‌ వెడ్డింగ్‌ షో’

తిరువీర్‌, టీనా శ్రావ్య హీరో, హీరోయిన్లుగా నటిస్తోన్న చిత్రం ‘ది గ్రేట్‌ ప్రీ వెడ్డింగ్‌ షో’. 7 పి.ఎం.ప్రొడక్ష్సన్స్‌, పప్పెట్‌ షో ప్రొడక్షన్స్‌ బ్యానర్స్‌పై సందీప్‌ అగరం, అస్మితా రెడ్డి బాసిని నిర్మిస్తున్నారు. రాహుల్‌ శ్రీనివాస్‌ దర్శకత్వం వహిస్తున్నారు. నవంబర్‌ 7న సినిమా రిలీజ్‌ కానుంది. ఈ నేపథ్యంలో టీజర్‌ను హీరో విజయ్‌ దేవరకొండ, డైరెక్టర్‌ శేఖర్‌ కమ్ముల రిలీజ్‌ చేశారు. శేఖర్‌ కమ్ముల మాట్లాడుతూ, ‘టీజర్‌ సరదాగా సాగిపోయింది. తిరువీర్‌ ప్రామిసింగ్‌ హీరో. తను ఇలాంటి మరిన్ని మంచి సినిమాలు చేయాలి. ఇలాంటి కంటెంట్‌ ఓరియెంటెడ్‌ సినిమాలు నిర్మించడానికి ధైర్యం, ప్యాషన్‌ ఉండాలి. నిర్మాతలను చూస్తుంటే నా డాలర్‌ డ్రీమ్స్‌, ఆనంద్‌ రోజులు గుర్తొచ్చాయి. టీజర్‌ను చూడగానే సినిమా చూడాలని అనిపిస్తుంది. దర్శకుడి మార్కు కనిపిస్తుంది’ అని తెలిపారు. ‘ఈ కథ వింటున్నప్పుడు స్టార్టింగ్‌ నుంచి చివరి వరకు నవ్వుతూనే ఉన్నాను. ఈ సినిమా నా నమ్మకాన్ని నిలబెడితే భవిష్యత్తులో ఇలాంటి కొన్ని సినిమాలు చేస్తాను. ఇంటిల్లిపాది కలిసి చూసే మంచి సినిమాగా ఇది నిలుస్తుంది’ అని హీరో తిరువీర్‌ చెప్పారు. ప్రొడ్యూసర్‌ సందీప్‌ మాట్లాడుతూ, ‘కథపై నమ్మకంతో ఎక్కడ కాంప్రమైజ్‌ కాకుండా సినిమా చేశాం. చాలా సీన్స్‌ సింగిల్‌ టేక్‌లోనే చేశాడు తిరువీర్‌. సురేష్‌ బొబ్బిలి మంచి హిట్‌ సాంగ్స్‌ ఇచ్చాడు’ అని అన్నారు. డైరెక్టర్‌ రాహుల్‌ శ్రీనివాస్‌ మాట్లాడుతూ, ‘ప్రొడ్యూసర్లు సందీప్‌, రంజిత్‌ ఫస్ట్‌ సిట్టింగ్‌లోనే కథను నమ్మారు. ‘మసూద’ హిట్టైనా తర్వాత తీరువీర్‌కు చాలా మంది కథలు చెప్పారు. కానీ వారందరిని కాదని డెబ్యూ డైరెక్టర్‌ అయినా నన్ను నమ్మాడు. అది జీవితాంతం గుర్తుపెట్టుకుంటాను’ అని అన్నారు.