‘అనుకుందొకటిలే..’

యూత్‌ ఫుల్‌ ఫ్యామిలీ ఎంటర్‌టైనర్‌ ‘సంతాన ప్రాప్తిరస్తు’ మూవీతో కమెడియన్‌ వెన్నెల కిషోర్‌ సింగర్‌గా మారారు. ఈ చిత్రంలో ఆయన ‘అనుకుందొకటిలే..’ పాటను పాడటం విశేషం.
ఈ చిత్రంలో గర్భగుడి వెల్‌నెస్‌ సెంటర్‌ నిర్వహించే డాక్టర్‌ భ్రమరం పాత్రలో వెన్నెల కిషోర్‌ నవ్వులు పంచనున్నారు. తన దగ్గరకు చికిత్స కోసం వచ్చిన కథానాయకుడికి ధైర్యం చెబుతున్న సందర్భంలో డాక్టర్‌ భ్రమరం పాత్ర నేపథ్యంగా ‘అనుకుందొకటిలే..’ పాటను ఆకట్టుకునేలా రూపొందించారు. ‘అనుకుందొకటిలే, అయ్యిందొకటిలే,అయిపోలేదులే, గేరే మార్చులే, భ్రమరం ఫార్ములా ఫెయిలే అవదులే, కళ్లే మూసుకో, నన్నే నమ్ముకో..’ అంటూ వినోదాత్మకంగా సాగుతుందీ పాట. ఈ పాటను సునీల్‌ కశ్యప్‌ కంపోజ్‌ చేయగా, బాలవర్థన్‌ లిరిక్స్‌ అందించారు. విక్రాంత్‌, చాందినీ చౌదరి హీరో, హీరోయిన్లుగా నటిస్తున్న ఈ సినిమాను మధుర ఎంటర్‌టైన్‌మెంట్‌, నిర్వి ఆర్ట్స్‌ బ్యానర్స్‌ పై మధుర శ్రీధర్‌ రెడ్డి, నిర్వి హరిప్రసాద్‌ రెడ్డి నిర్మిస్తున్నారు.

దర్శకుడు సంజీవ్‌ రెడ్డి ఈ చిత్రాన్ని రూపొందిస్తున్నారు. రచయిత షేక్‌ దావూద్‌ జి ఈ సినిమాకు స్క్రీన్‌ ప్లే అందించారు. ఈ సినిమా త్వరలోనే గ్రాండ్‌ థియేట్రికల్‌ రిలీజ్‌కు రెడీ అవుతోంది.
తరుణ్‌ భాస్కర్‌, అభినవ్‌ గోమటం, మురళీధర్‌ గౌడ్‌, హర్షవర్థన్‌, బిందు చంద్రమౌళి, జీవన్‌ కుమార్‌, సత్య కృష్ణ, తాగుబోతు రమేష్‌, అభయ్ బేతిగంటి, కిరీటి, అనీల్‌ గీల, సద్దాం తదితరులు నటిస్తున్న ఈ చిత్రానికి డైరెక్టర్‌ – సంజీవ్‌ రెడ్డి, ప్రొడ్యూసర్స్‌ – మధుర శ్రీధర్‌ రెడ్డి, నిర్వి హరిప్రసాద్‌ రెడ్డి, స్టోరీ, స్క్రీన్‌ ప్లే – సంజీవ్‌ రెడ్డి, షేక్‌ దావూద్‌ జి, మ్యూజిక్‌ డైరెక్టర్‌ – సునీల్‌ కశ్యప్‌, బ్యాక్‌ గ్రౌండ్‌ మ్యూజిక్‌ – అజయ్ అరసాడ, ఎగ్జిక్యూటివ్‌ ప్రొడ్యూసర్‌ – ఎ మధుసూదన్‌ రెడ్డి, సినిమాటోగ్రఫీ -మహి రెడ్డి పండుగుల, డైలాగ్స్‌ – కల్యాణ్‌ రాఘవ్‌, కొరియోగ్రాఫర్‌ – లక్ష్మణ్‌ కాళహస్తి, ప్రొడక్షన్‌ డిజైనర్‌ – శివకుమార్‌.