లయన్స్ క్లబ్ ఆధ్వర్యంలో ప్రపంచ మానసిక ఆరోగ్య దినోత్సవం

నవతెలంగాణ- కట్టంగూర్
ప్రపంచ మానసిక ఆరోగ్య దినోత్సవాన్ని లయన్స్ క్లబ్ కట్టంగూర్ కింగ్స్ ఆధ్వర్యంలో శుక్రవారం మండలకేంద్రంలోని ప్రభుత్వ ఉన్నత పాఠశాల విద్యార్ధులతో ర్యాలీ నిర్వహించారు. ఈ సందర్భంగా ఎంఈఓ అంబటి అంజయ్య పాల్గొని మాట్లాడుతూ.. మానసిక సమస్యలను చిన్నచూపు చూడకుండా సరైన చికిత్స పొందటం ఎంతో ముఖ్యమని తెలిపారు. ఒత్తిడి, ఆందోళన, నిరాశ వంటి సమస్యలను నిర్లక్ష్యం చేయకూడదన్నారు. ఈ కార్యక్రమంలో లయన్స్ క్లబ్ ఉపాధ్యాక్షుడు రెడ్డిపల్లి సాగర్, ప్రధాన కార్యదర్శి గుడిపాటి శివ, సహాయ కార్యదర్శి బసవోజు వినోద్, మంగదుడ్ల శ్రీనివాస్, రాపోలు వెంకటేశ్వర్లు. కడవేరు మల్లిఖార్జున్. ఉపాధ్యాయులు కొంక ఆంటోని, విఠల్, అబ్దుల్ గఫార్, చిన్ని శ్రీనివాస్ ఉన్నారు.