భిన్న ప్రేమకథ

దుల్కర్‌ సల్మాన్‌ హీరోగా నటిస్తున్న తన 41వ చిత్రం సోమవారం ప్రారంభమైంది. నూతన దర్శకుడు రవి నేలకుదిటి దీనికి దర్శకత్వం వహిస్తున్నారు.
లవ్‌స్టోరీతో పాటు అద్భుతమైన హ్యుమన్‌ డ్రామాగా రూపొంద నున్న ఈ చిత్రాన్ని ఎస్‌ఎల్‌వి సినిమాస్‌ బ్యానర్‌పై సుధాకర్‌ చెరుకూరి నిర్మిస్తున్నారు. ఇది ఈ నిర్మాణ సంస్థ 10వ వెంచర్‌.ఈ చిత్ర ముహూర్తపు షాట్‌కు హీరో నాని క్లాప్‌ కొట్టారు. దర్శకుడు బుచ్చి బాబు సానా కెమెరా స్విచ్‌ ఆన్‌ చేయగా, గుణ్ణం సందీప్‌, నాని, రమ్య గుణ్ణం స్క్రిప్ట్‌ను టీమ్‌కు అందజేశారు. ఫస్ట్‌ షాట్‌ను రవి నెలకుదిటి స్వయంగా దర్శకత్వం వహించారు. ‘దసరా, ది ప్యారడైజ్‌’ చిత్రాల దర్శకుడు శ్రీకాంత్‌ ఓదెల కూడా ఈ కార్యక్రమానికి హాజరయ్యారు.ఈ చిత్రం రెగ్యులర్‌ షూటింగ్‌ కూడా ఈరోజే ప్రారంభం అయ్యింది. మలయాళం, తెలుగు సినిమాల్లో వరుస విజయాలతో దూసుకుపోతున్న దుల్కర్‌ సల్మాన్‌ లాంటి హీరోని ఒప్పించడం మామూలు విషయం కాదు. దర్శకుడు రవి నెలకుదిటి ఒక అద్భుతమైన కథ, కాన్సెప్ట్‌తో దుల్కర్‌ని ఇంప్రెస్‌ చేశారు. హై ప్రొడక్షన్‌ అండ్‌ టెక్నికల్‌ వాల్యూస్‌తో ఈ సినిమాని రూపొందిస్తున్నాం. ఈ చిత్రం తెలుగు, మలయాళం, హిందీ, కన్నడ, తమిళ భాషలలో పాన్‌ ఇండియా విడుదల కానుంది అని మేకర్స్‌ తెలిపారు. ఈచిత్రానికి రచన, దర్శకత్వం: రవి నేలకుదిటి, నిర్మాత: సుధాకర్‌ చెరుకూరి, సహ నిర్మాత: గోపీచంద్‌ ఇన్నమూరి, సీఇఓ : విజరు కుమార్‌ చాగంటి, సంగీతం: జీవీ ప్రకాష్‌ కుమార్‌, డీఓపీ : అనరు ఓం గోస్వామి, ప్రొడక్షన్‌ డిజైనర్‌: అవినాష్‌ కొల్లా.