సందీప్ రాజ్ దర్శకత్వంలో రోషన్ కనకాల నటిస్తున్న చిత్రం ‘మోగ్లీ’. పీపుల్స్ మీడియా ఫ్యాక్టరీ బ్యానర్ మీద టీజీ విశ్వ ప్రసాద్, కృతి ప్రసాద్ నిర్మిస్తున్నారు. ఈ సినిమా డిసెంబర్ 12న రిలీజ్ కాబోతోంది. ఈ క్రమంలో దర్శకుడు సందీప్ రాజ్ మీడియాతో సినిమా గురించి చెప్పిన విశేషాల సమాహారం.. ‘మోగ్లీ’ ప్రస్తుత ట్రెండ్కి తగ్గట్టుగా ఉంటుంది. డెఫ్ అండ్ డంబ్ పాత్రను పోషించడం అంత సులభం కాదు. ప్రేమకు భాష అవసరం లేదు అనే విషయాన్ని చెప్పేందుకు ఆ పాత్రను అలా డిజైన్ చేశాను. ఇందులో హీరో, హీరోయిన్ పాత్రలు చూసి అందరూ కనెక్ట్ అవుతారు. మీకు ఇంత వరకు తెలిసిన మోగ్లీ కథలకు ఈ కథకు ఎలాంటి సంబంధం ఉండదు. ఫస్ట్ హాఫ్ అంతా చాలా ఫన్నీగా ఉంటుంది.
ఆద్యంతం నవ్వించేలా సాగుతుంది. నాకు విలన్ పాత్రలంటేనే చాలా ఇష్టం. నటుడిగా అయినా దర్శకుడిగా అయినా కూడా విలన్ పాత్రలపైనే ఎక్కువగా ఫోకస్ పెడతాను. ఈ చిత్రంలో బండి సరోజ్ పాత్రను చూసి అంతా షాక్ అవుతారు. గత కొన్నేళ్లగా తెలుగులో ఇలాంటి విలన్ పాత్రను మాత్రం కచ్చితంగా చూసి ఉండరు. ‘సూర్యాస్తమయం’లో బండి సరోజ్ని చూసి దీనికి తీసుకున్నాను. ప్రజెంట్ ట్రెండ్కి మోగ్లీ అంటే ఎవరో తెలీదు. నా టైటిల్స్ అందరికీ అర్థం అవ్వాలని అనుకుంటా. అందుకే ‘కలర్ ఫోటో’ అని సింపుల్ టైటిల్ పెట్టాం. కానీ ‘మోగ్లీ’ మాత్రం ఇప్పటి తరానికి సరిగ్గా అర్థం కావడం లేదు.
‘బబుల్గమ్’లో రోషన్ గెటప్, రా నెస్ ఇవన్నీ చూసి ‘మోగ్లీ’కి సెట్ అవుతాడని ఫిక్స్ అయ్యాను. రోషన్ తన పాత్రను అద్భుతంగా పోషించాడు. ఈ మూవీ కోసం రోషన్ శారీరకంగానూ చాలా కష్టపడ్డాడు. ఇందులో ఐదు పాటలుంటాయి. అన్ని రకాల అంశాల్ని చూపించేలా పాటల్ని తెరకెక్కించాం. ‘మోగ్లీ’ అవుట్ పుట్ చూసి నిర్మాత విశ్వ ప్రసాద్ చాలా సంతృప్తికరంగా ఫీల్ అయ్యారు. ప్రస్తుతం నటుడిగా రెండు ప్రాజెక్ట్లు చేస్తున్నాను. డిసెంబర్ 20 నుంచి నటుడిగా బిజీ అవుతాను. నాకు మాత్రం ఓ ఫాంటసీ కథను చేయాలని ఉంది. ఈ మూవీ రిజల్ట్ తరువాత ఏ జోనర్ కథను చేయాలా అనేది ఆలోచిస్తాను.
‘మోగ్లీ’ అన్ని వర్గాల ఆడియెన్స్ను ఆకట్టుకునేలా ఉంటుంది. యూత్, ఫ్యామిలీ, మాస్ అని ఇలా వేర్వేరుగా కాకుండా అందరినీ మెప్పిస్తుంది. ఇందులోని సందేశాన్ని మాత్రం ఇప్పుడే రివీల్ చేయలేను. మా సినిమాకు అదే పెద్ద ట్విస్ట్. చివర్లో అద్భుతమైన ఎక్స్పీరియెన్స్ని ఫీల్ అవుతారు. అన్ని రకాల ఎమోషన్స్ను చూపిస్తూనే ఈ మూవీ ఎంగేజింగ్గా ఉంటుంది. చివరకు మాత్రం ఓ బలమైన ఫిలాసఫీని చూపిస్తాను. -దర్శకుడు సందీప్రాజ్
అన్ని వర్గాల ప్రేక్షకులను ఆకట్టుకునే సినిమా
- Advertisement -
- Advertisement -
RELATED ARTICLES



