నేటి యువత చూడాల్సిన సినిమా

‘గీతా సుబ్రమణ్యం’ ఫేమ్‌ మనోజ్‌ కృష్ణ తన్నీరు హీరోగా నటిస్తున్న లేటెస్ట్‌ మూవీ ‘ఎ కప్‌ ఆఫ్‌ టీ’. ఈ చిత్రం ద్వారా ఎఫ్పీ రోజర్స్‌, నిఖిత రావు దర్శకులుగా పరిచయమవుతున్నారు. ఆర్టిస్ట్‌ క్రియేషన్స్‌ పతాకంపై మనోజ్‌ కృష్ణ, నవీన్‌ కృష్ణ నిర్మించారు. జయ శ్రీ హీరోయిన్‌గా నటిస్తోన్న ఈ మూవీలో నటుడు రాకేష్‌ ఒక కీలక పాత్రలో కనిపించనున్నారు. ఈ మూవీ నుండి ‘వాట్‌ హాపెండ్‌..’ అనే ప్రమోషనల్‌ సాంగ్‌ని రిలీజ్‌ చేశారు. డైస్‌ ఆర్ట్స్‌ ఫిల్మ్స్‌ ఈ ఈవెంట్‌ని గ్రాండ్‌గా నిర్వహించింది. హీరో మనోజ్‌ మాట్లాడుతూ,’మా సినిమాను జనాల్లోకి తీసుకెళ్లడానికి మేము ఎంచుకున్న మార్గమే ఈ ప్రమోషనల్‌ సాంగ్‌. పెద్ద సినిమాల వల్ల చిన్న సినిమాలు ఎలా ఎఫెక్ట్‌ అవుతున్నాయి అన్నది ఈ పాటలో ఫన్నీగా చూపించే ప్రయత్నం చేశాం.

ఈ సినిమా ఒక యంగ్‌స్టర్‌ జర్నీ. కాలేజ్‌ యువత జర్నీ ఎలా స్టార్ట్‌ అవుతుంది..అది ఎలా డీవియేట్‌ అవుతుంది. దాని వల్ల వచ్చే పరిణామాలు ఏంటి అన్నది ఈ సినిమాలో చూపించాం. నేటి యువత తప్పక చూడాల్సిన సినిమా’ అని తెలిపారు. ‘మాది చిన్న సినిమా అయినా మ్యూజిక్‌, మేకింగ్‌కి మనోజ్‌ చాలా ఖర్చు పెట్టారు. పాటలు, బ్యాక్‌గ్రౌండ్‌ స్కోర్‌ చాలా బాగా వచ్చింది. దర్శకులు మంచి ఔట్‌పుట్‌ తీసుకువచ్చారు’ అని మ్యూజిక్‌ డైరెక్టర్‌ కార్తిక్‌ రోడ్రవిజ్‌ చెప్పారు. నటుడు రాకేష్‌ మాట్లాడుతూ,’ఎలాంటి వల్గారిటీ లేని ఒక బ్యూటీఫుల్‌ లైఫ్‌ స్టోరీ ఇది. ఈ కథలో హీరోతో పాటు ట్రావెల్‌ చేసే క్యారెక్టర్‌నాది’ అని అన్నారు.