హీరో డాలీ ధనంజయ, సప్తమి గౌడ ప్రధాన పాత్రల్లో నటించిన చిత్రం ‘హలగలి’. సుకేష్‌ నాయక్‌ దర్శకుడు.
యార్లగడ్డ లక్ష్మీ శ్రీనివాస్‌ సమర్పణలో కళ్యాణ్ చక్రవర్తి ధూళిపాళ్ల నిర్మిస్తున్న హిస్టారికల్‌ ప్రాజెక్ట్‌ ఇది. ఈ చిత్రం రెండు భాగాలుగా తెరకెక్కుతోంది.
కన్నడ, తెలుగు, తమిళం, మలయాళం, హిందీలో చిత్రీకరి స్తున్నారు. తాజాగా ఈ సినిమా గ్లింప్స్‌ని మేకర్స్‌ లాంచ్‌ చేశారు.
హీరోయిన్‌ సప్తమి గౌడ మాట్లాడుతూ, ”ఇది చరిత్రలో చాలా ముఖ్యమైన చాప్టర్‌. త్వరలోనే నా క్యారెక్టర్‌కి సంబంధించిన గ్లింప్స్‌ కూడా రిలీజ్‌ కాబోతోంది. చాలా మాస్‌ క్యారెక్టర్‌ చేశాను. ఇది మన నేల కథ. డైరెక్టర్‌ చాలా అద్భుతంగా రాశారు. చాలా బిగ్‌ స్కేల్‌లో ఈ సినిమా తీస్తున్నారు. ఈ సినిమాలో సెట్స్‌ చాలా అద్భుతంగా ఉంటాయి’ అని చెప్పారు.
ప్రొడ్యూసర్‌ కళ్యాణ్ చక్రవర్తి మాట్లాడుతూ, ‘ఈ సినిమా హీరో లుక్‌ కట్‌ చేసినప్పుడే మాకు ఫుల్‌ కాన్ఫిడెన్స్‌ వచ్చేసింది. ఫస్ట్‌ స్టెప్‌లోనే సక్సెస్‌ అయిపోయామనే ఫీలింగ్‌ కలిగింది. డైరెక్టర్‌ సుఖేష్‌ పై నాకు చాలా నమ్మకం ఉంది. ‘హలగలి’ చరిత్రలో ఒక అధ్యాయం. బ్రిటీష్‌కి వ్యతిరేకంగా వారు చేసిన పోరాటం చిరస్మరణీయం. కన్నడలో పదో తరగతి పాఠ్యాంశంలో కూడా ఇది ఉంది. దీని గురించి చాలామంది రీసెర్చ్‌లు చేశారు. ఈ సినిమా గురించి రీసెర్చ్‌ చేస్తున్నప్పుడు మాకు గూస్‌ బంప్స్‌ వచ్చాయి. ఇది ఒక పార్ట్‌లో చెప్పాల్సింది కాదు. రెండు పాటలుగా చెప్పాల్సిన కథని అప్పుడే నిర్ణయించుకున్నాము. సినిమాలో డాలీ క్యారెక్టర్‌ చాలా పవర్‌ఫుల్‌గా అద్భుతంగా ఉండబోతుంది. సప్తమిది మాస్‌ క్యారెక్టర్‌. అద్భుతంగా పెర్ఫార్మ్‌ చేశారు’ అని చెప్పారు.
’40 శాతం షూటింగ్‌ కంప్లీట్‌ అయింది. ఇది ఒక పార్ట్‌లో చెప్పే కథ కాదు. ఈ కథ వెనుక చాలా గొప్ప చరిత్ర ఉంది. అందుకే రెండు పార్ట్స్‌గా తీసుకొస్తున్నాం. ఈ సినిమా ఆడియన్స్‌కు గొప్ప థియేట్రికల్‌ ఎక్స్‌పీరియన్స్‌ ఇస్తుంది’ అని డైరెక్టర్‌ సుకేష్‌ అన్నారు.
‘హలగలి’ అన్‌ టోల్డ్‌ స్టోరీ. ఇందులో పార్ట్‌ కావడం గర్వంగా భావిస్తున్నాను. ‘హలగలి’ అనేది కర్ణాటకలో గ్రేట్‌ ఎమోషన్‌. నిర్మాత కళ్యాణ్, డైరెక్టర్‌ సుకేష్‌ చాలా ప్యాషన్‌తో ఈ ప్రాజెక్ట్‌ చేస్తున్నారు. ఈ గ్లింప్స్‌ మీ అందరికీ నచ్చడం ఆనందంగా ఉంది. తప్పకుండా సినిమా ఒక మంచి ఎక్స్‌పీరియన్స్‌ ఇస్తుంది. అందరి అంచనాలను అందుకుంటుంది.
– హీరో డాలీ ధనంజయ
