కలల ప్రపంచంలో విహారం

కవయిత్రి, రచయిత్రి అయిన విశాలాక్షి తన మొదటి కథల సంపుటి కలల ప్రపంచం నిజంగానే కలల్లో విహరింపజేసింది. ఎన్నో కథలు వింటాం, వినూత్నమైన శైలిలో విశాలాక్షి రాసిన కలల ప్రపంచం పేరుకు తగ్గట్టుగా మ్యాజిక్‌ చేస్తుందని నిస్సందేహంగా చెప్పొచ్చు.
వాస్తవితకు అద్దం పట్టే విధంగా కథలు నడుస్తాయి. కలల సమూహం మనల్ని ఆహ్వానిస్తుంది. ఇలాంటి పుస్తకం మనం ఎప్పుడూ తెలుగులో చదివి ఉండం. మానసిక శాస్త్రాన్ని, మనుషుల మనస్తత్వాన్ని బాగా అవగాహన చేసుకుంటేనే ఇలాంటి రచనలు చేయగలుగుతారు.
తాను ఒక ఆర్టిస్ట్‌గా కవర్‌ పేజీని మలచిన తీరు చాలా బాగుంది. ముందు మాటలు రాసిన ప్రముఖ కవులు ఇద్దరూ మెచ్చుకోవడం, ప్రముఖ కవి అంపశయ్య నవీన్‌ ఈ పుస్తకానికి మ్యాజిక్‌ రియలిజం అని పేరు పెట్టడం, రచయిత్రి పుస్తకానికి ఇంకా విలువను పెంచాయి.
ఇది రచయిత భావోద్వేగాలను, కలల వాతావరణాన్ని చాలా లోతుగా ప్రతిబింబించే రచనగా ఉంది. ఈ పుస్తకం మీ భావాన్ని అలాగే నిలుపుకుంటూ తెలుగు లోగిలిలో సదా నిలిచి ఉంటుంది.
ఒక మంచి సస్పెన్స్‌ థ్రిల్లర్‌. ఓ పాఠకుడు ఆసక్తిగా చదవదగిన కాలంలో, ‘ఇంకా ఏం జరుగుతుందో?’ అన్న ఉత్కంఠను కలిగించే కథ.
మొదటి కథ ‘డాల్ఫిన్‌’లో… ఈ ప్రపంచపు/ భయానక వాతావరణానికి,/ సామూహిక జీవన సంక్లిష్టతకు,/ అర్ధం కాని అయోమయానికి,/ ఏమవుతుందో అన్న భయాందోళనలకు/ మనం చుట్టుముట్టబడ్డాం.
వాస్తవాలు… భయానకంగా మారుతున్నాయి/ అవి కలల రూపంలో/ వెలువడుతున్నాయి./ ఏమైనా, పాఠకుల ఆసక్తి,/ సామాజిక విమర్శ పాతిపెట్టిన అంశాలుగా కనిపిస్తాయి మీరు పంక్తుల మధ్య చదవగలిగితే!
‘భూమికి టా టా బై బై’ కథ రచయిత్రికి అసాధారణమైన కల్పనాశక్తి ఉంది అని తెలియజేస్తుంది. ఇది సమకాలీన సమస్యలు, పరిణామాలతో మిళితమై ఉంటుంది, వివిధ స్వభావాలు కలిగిన సాహిత్యం సస్టించగలదు.
ఇంకో కథ ‘రాకాసి అల’లో ”నీ శక్తి సామర్థ్యమే నీ మూలధనం. మేం కేవలం ఓపికచేసే పయనికులం. నీవు దిక్కు అడిగినప్పుడు మాత్రమే మేం దాన్ని చూపగలం. గమ్యం చేరే ఉద్దేశ్యం నీలోనే ఉంది. నీవు పొందే గుర్తింపు నీదే. అన్నీ నీవే. జీవితంలో ఎంతోమంది పయనికులు వస్తారు… కొందరు సహాయం చేయవచ్చు… అది తాత్కాలికమే. చివరికి లెక్కపడేది నీ విషయం మీద ఉన్న నిబద్ధత, నీవు పాటించే విలువలే నీ అసలైన అమూల్యమైన ఆస్తులు. ఇవే నీ విజయానికి మార్గం చూపిస్తాయి. జీవిత విజయానికి సరళ మార్గాలు ఉండవు” అని రచయిత్రి చెపుతారు.
‘పరమపద సోపానం’ కథ మీ భావోద్వేగాలను, కలల వాతావరణాన్ని చాలా లోతుగా ప్రతిబింబించే రచనగా ఉంది.
‘మానసికం, వ్యక్తీకరణాత్మకం’
గ్రేట్‌తో ఉండాలనే అసాధారణమైన కోరిక. కానీ వారు మీ వైపు చూసే పరిస్థితి కాదు, అయినా నిరాశపడటం లేదు…
ఆ గ్రేట్‌తో ప్రయాణించాలనే కోరిక మాత్రం కొనసాగుతూనే ఉంది.
అప్రయత్నంగా కొన్ని సంఘటనలు కొంచెం భయాన్ని కలిగిస్తున్నాయి…
కొంత ఒత్తిడికి తర్వాత విశ్రాంతిగా ఉన్న ఒక క్షణం… ఓ ఉపశమనం…
కానీ ఆ కల – కళ (KALA) – ఇంకా కొనసాగుతోంది. నేటి ఆధునిక సమాజం ఒక గడియారం మోగినట్టుగా, పాఠశాల బెల్‌, ఆలయ గంట, చర్చ్‌బెల్‌లా మోగుతోంది. ఒక చిన్నారి స్వరం… ”అమ్మా… అమ్మా…” మీరు మేల్కొంటారు. అర్థమవుతుంది… ఇప్పటివరకు మీరు కలలో ఉన్నారని.
కానీ ఆ కల ఒక రూపంలో మీ రోజువారీ జీవితంలో కొనసాగుతోంది. మీరు ఎదుర్కొంటున్నారు. మీ అంతరాత్మ ఆ గ్రేట్‌ను చేరుకోవాలని తహతహలాడుతోంది. కానీ వారు స్పందించడం లేదు, కలలోని బొమ్మలవలె… ఏమి కళో ఈ కళ!
పరువు… భలే భలే విశాలాక్షి సార్ధక నామధేయులు. మీ లోక వీక్షణ, వివరణ బాగుంది. ఈ కథ చదివి కొంతమంది అయినా ఈ దురలవాటు మాని సహజత్వంలోకి వస్తారని ఆశిస్తున్నాను.
ఖీb ప్రయాణం (ముఖ పుస్తకం) గురించి చెప్పాలంటే… ఇది సమాజపు అప్రత్యక్ష స్పందనకు ఒక గొప్ప ఉదాహరణ. ప్రసిద్ధ పారావస్తు చిన్నాయ సూరి ఒకప్పుడు రాసినట్లే – నేరుగా చెప్పలేని విషయాలను, కలల రూపంలో (ఒక కల కథగా), జంతువుల ద్వారా సమాజాన్ని విశ్లేషిస్తూ చెప్పాలనే ఆకాంక్ష. సమాజంలోని ప్రస్తుత ప్రవర్తనా నమూనాలను, గుంపుల ఆవిర్భావాన్ని, నాయకత్వ లక్షణాలను, ప్రజల ఆలోచనా విధానాన్ని అర్థం చేసుకోవడానికి ఇది ఒక మానసిక ప్రక్రియ. సాహిత్యాన్ని, సంగీతాన్ని ప్రేమించే, ప్రకతిని స్వచ్ఛంగా ఆస్వాదించే, నిజాయితీగా జీవించే అమాయకులైన, శాంతిని కోరే మనుషుల మధ్య – ప్రస్తుతం సమాజంలో ఒక రకమైన కలవరం, గుంపుబద్ధత వల్ల కలుగుతున్న సమస్యలు ఉన్నట్లు కనిపిస్తున్నాయి.
ఈ అంశాన్ని నేరుగా చెప్పడం కష్టంగా ఉండవచ్చు కానీ, జంతువుల కథల రూపంలో, స్వప్నాల రూపంలో చెప్పడం ద్వారా మీరు చెప్పాలనుకునే అసలు విషయాన్ని సూక్ష్మంగా, సమాజాన్ని స్పశిస్తూ, అత్యంత అందంగా వ్యక్తీకరిస్తున్నారు. మీరు చెప్పదలిచింది బాగుంది, చాలా బాగుంది – కానీ ఇప్పటి సమాజాన్ని ప్రతిబింబించేలా జంతువుల ద్వారా చెప్పడం అనేది ప్రత్యేకతగా మారింది.
విశాలాక్షికి అసాధారణమైన ఊహాశక్తి ఉంది, ఇది ఆధునిక సమస్యలు పరిణామాలతో కలిసిపోతుంది, వివిధ రకాల సాహిత్య ఉత్పత్తులను సష్టించగల సామర్థ్యం ఉంది.
ఒక్కో కథని మలచిన తీరు ఆమె మానసికశాస్త్రంలో పట్టా పుచ్చుకున్నారేమో అనిపిస్తుంది.
28 కథల సమాహారం ఈ కలల ప్రపంచం చదివించే పుస్తకాలలో ఇది కూడా ఒకటి. చాలా సింపుల్‌గా తన ఇద్దరు కుమార్తెలతో వారి బంధువుల మధ్య పుస్తకావిష్కరణ చేశారు.
ఈ పుస్తకం ద్వారా తనకి పేరు రావాలని, ఇంకెన్నో పుస్తకాలను అందించాలనే స్ఫూర్తి పొందాలని, మరెన్నో రచనలు రచయిత్రి విశాలాక్షి మన అందరికీ అందించాలని మనస్పూర్తిగా ఆశిస్తున్నాను.
– ఎన్‌.రామచంద్రరావు, హైదరాబాద్‌