అంతర్జాతీయ స్త్రీ హింస నిర్మూలనపై అవగాహన

నవతెలంగాణ – కాటారం
బాల్యవివాహాలు, మొబైల్ వాడకం వల్ల కలిగే నష్టాలు, బేటి బచావో- బేటి పడావో ఆడపిల్లల యొక్క విద్య, రక్షణ, లింగ నిర్ధారణ చట్టం యొక్క ప్రాముఖ్యత గురించి జెండర్ స్పెషలిస్ట్ అనూష శనివారం మండల కేంద్రంలో శివరాణి ఆధ్వర్యంలో అవగాహన కార్యక్రమం నిర్వహించారు. ఈ సందర్బంగా అనూష మాట్లాడుతూ.. బాల్యవివాహాలు, మొబైల్ వాడకం వల్ల కలిగే నష్టాలు, బేటి బచావో- బేటి పడావో ఆడపిల్లల యొక్క విద్య, రక్షణ, లింగ నిర్ధారణ చట్టం,18 సంవత్సరాల లోపు పిల్లలు ఆపద సమయంలో 1098 టోల్ ఫ్రీ నెంబర్లపై 1930,112 పై సందేహాలను పూర్తిగా నివృత్తి చేశారు. అనంతరం సఖి కౌన్సిలర్ మాధవి మాట్లాడుతూ… గృహహింస, వరకట్న వేధింపులు, లైంగిక వేధింపులు, లింగ సమానత్వం, మహిళల సమస్యలు, ఆపద సమయంలో మహిళలు 181 ఉపయోగించుకోవాలని తెలిపారు. ఈ కార్యక్రమంలో సూపర్వైజర్ శివరాణి, సఖి కౌన్సిలర్ మాధవి,అంగన్వాడీ టీచర్స్, మహిళలు పాల్గొనారు.