బీఎస్పీతోనే బహుజనులకు రాజ్యాధికారం

నవతెలంగాణ – తుంగతుర్తి
బహుజన సామాజ్‌వాది పార్టీతోనే బహుజనులకు రాజ్యాధికారం అందుతుందని ఆపార్టీ తుంగతుర్తి నియోజకవర్గ ఉపాధ్యక్షులు కొమ్ము జయరాజ్ అన్నారు. శనివారం మండల పరిధిలోని అన్నారం గ్రామం నుండి,గ్రామ సర్పంచ్ అభ్యర్థిగా నామినేషన్ వేసి మాట్లాడారు. తెలంగాణలో నియంత పాలన కొనసాగుతుందని ఎంతోమంది విద్యార్థుల బలిధానాలతో సాధించుకున్న స్వరాష్ట్రంలో ప్రజలను అనేక రకాలుగా ఇబ్బందులు పెడుతున్నారన్నారు. నీళ్ళు, నిధులు, నియామకాలు ఎమయ్యాయన్నారు. రాష్ట్రంలో అణగారిన వర్గాల హక్కులకోసం బి ఎస్ పి నిరంతరం పోరాటం చేస్తుందన్నారు. రానున్న రోజుల్లో తెలంగాణలో బహుజన జెండా ఎగరవేస్తామన్నారు. గ్రామ అభివృద్ధి కోసం తనని గెలిపించాలని కోరారు.