‘నీలి నీలి ఆకాశం’పాట కంటే గొప్పగా..

నీలి నీలి ఆకాశం క్రియేషన్స్‌, ప్రశ్విత ఎంటర్‌టైన్‌మెంట్‌, ఎన్‌వీఎల్‌ క్రియేషన్స్‌ బ్యానర్స్‌పై అంచల్‌ గౌడ, పాయల్‌ చెంగప్ప, రోషిణి, యష్ణ, రోహన్‌ సూర్య, మొయిన్‌ ముఖ్య తారాగణంతో రూపొందుతున్న చిత్రం ‘బ్యాడ్‌ గాళ్స్‌’. ‘కానీ చాలా మంచోళ్లు’ అనేది ట్యాగ్‌ లైన్‌.
’30 రోజుల్లో ప్రేమించడం ఎలా’ సినిమాతో మంచి విజయాన్ని అందుకున్న డైరెక్టర్‌ మున్నా ధులిపూడి దీనికి దర్శకత్వం వహిస్తున్నారు. శశిధర్‌ నల్లా, ఎమ్మాడి సోమ నర్సయ్య, రామిశెట్టి రాంబాబు, రావుల రమేష్‌ నిర్మాతలు. ఇటీవల రిలీజ్‌ చేసిన మోషన్‌ పోస్టర్‌ 5 మిలియన్‌ వ్యూస్‌తో సోషల్‌ మీడియాలో ట్రెండింగ్‌లో నడుస్తోంది. తాజాగా మరో మెలోడీ పాటను త్వరలో రిలీజ్‌ చేయబోతున్నారు. ‘ఇలా చూసుకుంటానే’ అంటూ సాగే ఈ పాటకి చంద్రబోస్‌ సాహిత్యం అందించగా, సిద్‌ శ్రీరామ్‌ పాడారు. ఈ పాట ప్రీ టీజర్‌ కూడా అందర్నీ విశేషంగా అలరిస్తోంది. ఈ ప్రీ టీజర్‌లో చంద్ర బోస్‌ కూడా అద్భుతంగా నటించారు.
దర్శకుడు మున్నా ధూళిపూడి మాట్లాడుతూ,’ చంద్ర బోస్‌ అందించిన లిరిక్స్‌, సంగీత దర్శకుడు అనూప్‌ రూబెన్స్‌ స్వర పరిచిన పాట, సిద్‌ శ్రీరామ్‌ పాడిన పాట ‘నీలి నీలి ఆకాశం’ పాట కంటే ఈ పాట గొప్పగా వచ్చింది. ‘బ్యాడ్‌ గాళ్స్‌’ అనేది పూర్తి ఎంటర్టైనర్‌ చిత్రం. ‘జాతి రత్నాలు, మ్యాడ్‌’ లాంటి హిలేరియస్‌ చిత్రాలు అమ్మాయిలు చేస్తే ఎలా ఉంటుందో అలాంటి చిత్రం ఇది’ అని తెలిపారు.