భిన్న కాన్సెప్ట్‌తో ‘భద్రకాళి’

‘మార్గన్‌’ విజయం తర్వాత హీరో విజయ్‌ ఆంటోనీ ‘భద్రకాళి’ చిత్రంతో ప్రేక్షకుల ముందుకు వస్తున్నారు. అరుణ్‌ ప్రభు దర్శకత్వం వహించగా, సర్వంత్‌ రామ్‌ క్రియేషన్స్‌ బ్యానర్‌పై రామాంజనేయులు జవ్వాజీ నిర్మించారు. విజయ్‌ ఆంటోనీ ఫిల్మ్‌ కార్పొరేషన్‌, మీరా విజయ్‌ ఆంటోనీ సమర్పిస్తున్నారు.
తాజాఆ మేకర్స్‌ ఫస్ట్‌ సింగిల్‌ ‘మారెనా’ని రిలీజ్‌ చేసి, మ్యూజిక్‌ ప్రమోషన్స్‌ స్టార్ట్‌ చేశారు. దీన్ని విజయ్‌ ఆంటోని బ్యూటీఫుల్‌ లవ్‌ సాంగ్‌గా కంపోజ్‌ చేశారు. భాష్యశ్రీ రాసిన లిరిక్స్‌ మనసుకు హత్తుకునేలా ఉన్నాయి. అభిజిత్‌ అనిల్‌కుమార్‌ వోకల్స్‌ మరింత ఎమోషన్‌ని యాడ్‌ చేశాయి.
ఈ లవ్‌ సాంగ్‌ ఆడియన్స్‌కి వినగానే కనెక్ట్‌ అవుతోంది. తెలుగులో ‘మార్గన్‌’ సినిమాను విజయం దిశగా నడిపించిన ఏషియన్‌ సురేష్‌ ఎంటర్‌టైన్‌మెంట్స్‌ ఈ సినిమాను కూడా తెలుగులో రిలీజ్‌ చేస్తుంది. రానా దగ్గుబాటి స్పిరిట్‌ మీడియా సపోర్ట్‌ కూడా ఉండడంతో ప్రాజెక్ట్‌పై మంచి బజ్‌ ఉంది. ఈ సినిమా సెప్టెంబర్‌ 19న రిలీజ్‌ కానుంది అని చిత్ర యూనిట్‌ తెలిపింది. వాగై చంద్రశేఖర్‌, సునీల్‌ కపలానీ, సెల్‌ మురుగన్‌, తప్తి రవీంద్ర, కిరణ్‌, రినీ బోట్‌, రియా జిత్తు, మాస్టర్‌ కేశవ్‌ తదితరులు నటిస్తున్న ఈ చిత్రానికి సంగీతం – విజయ్‌ ఆంటోని, ఎడిటర్‌ – రేమండ్‌ డెరిక్‌, యాక్షన్‌ – రాజశేఖర్‌, ఆర్ట్‌ డైరెక్టర్‌ – శ్రీరామన్‌, తెలుగు రైటర్‌ – రాజశేఖర్‌ రెడ్డి.