వచ్చే నెలలో అందుబాటులోకి భూభారతి యాప్: పొంగులేటి

నవతెలంగాణ – హైదరాబాద్ : అన్ని ఆప్షన్లతో భూభారతి యాప్‌ను జనవరిలో అందుబాటులోకి తెస్తామని మంత్రి పొంగులేటి శ్రీనివాస్ రెడ్డి తెలిపారు. రెవెన్యూ, సర్వే, స్టాంప్స్ అండ్ రిజిస్ట్రేషన్ విభాగాలను ఒకే గొడుగు కిందికి తీసుకొస్తున్నామని, ఈ మూడింటి కోసం ప్రత్యేక వెబ్ పోర్టల్ రూపొందిస్తున్నామని వెల్లడించారు. కొత్త సర్వే నంబర్లు, బౌండరీలు ఫిక్స్ చేసి భూధార్ కార్డులను సిద్ధం చేస్తామని చెప్పారు. మూడు విడతల్లో వీటిని లబ్ధిదారులకు అందజేస్తామని స్పష్టం చేశారు.