నవతెలంగాణ – కంఠేశ్వర్
ఇటీవల కాంగ్రెస్ పార్టీ నూతనంగా జిల్లా అధ్యక్షుడిగా కాటిపల్లి నగేష్ రెడ్డిని, నగర అధ్యక్షునిగా బొబ్బిలి రామకృష్ణను నియమించిందని నగర కాంగ్రెస్ పార్టీ అధ్యక్షులు బొబ్బిలి రామకృష్ణ తెలిపారు. జిల్లా, నగర అధ్యక్షులుగా సోమవారం పదవి బాధ్యతల స్వీకరణ కార్యక్రమానికి ఉదయం 10 గంటలకు మాధవ నగర్ సాయిబాబా దేవాలయం లో పూజలు చేసుకొని అక్కడి నుండి పూలాంగు చేరుకుంటామని తెలిపారు. అక్కడి నుండి గోల్ హనుమాన్ ఆలయంలో ప్రత్యేక పూజలు నిర్వహించిన తిరిగి పూలాంగ్ నుండి జిల్లా కాంగ్రెస్ పార్టీ కార్యాలయానికి చేరుకుంటామన్నారు. పార్టీ కార్యాలయంలో జిల్లా అధ్యక్షునిగా కాటిపల్లి నగేష్ రెడ్డి, నగర అధ్యక్షునిగా బొబ్బిలి రామకృష్ణ లు (ప్రమాణ స్వీకార కార్యక్రమం) బాధ్యతల స్వీకరణ ఉంటుందని తెలిపారు. అనంతరం పార్టీ కార్యాలయం లక్ష్మీ కళ్యాణం మండపంలో నిర్వహించే పార్టీ కార్యకర్తల సమావేశంలో పాల్గొంటామన్నారు.
ఈ కార్యక్రమానికి టిపిసిసి అధ్యక్షులు బొమ్మ మహేష్ కుమార్ గౌడ్, ప్రభుత్వ సలహాదారులు సుదర్శన్ రెడ్డి, షబ్బీర్ అలీ మహమ్మద్, నిజామాబాద్ రూరల్ ఎమ్మెల్యే భూపతిరెడ్డి, వివిధ రాష్ట్ర కార్పొరేషన్ చైర్మన్లు, నుడా చైర్మన్ కేశ వేణు, గ్రంధాలయ చైర్మన్ అంతిరెడ్డి రాజిరెడ్డి, మార్కెట్ కమిటీ చైర్మన్ ముప్పగంగారెడ్డి, రాష్ట్ర రైతు కమిషన్ సభ్యులు గడుగు గంగాధర్, ఉర్దూ అకాడమీ చైర్మన్ తాహార్బిన్ హందన్, రాష్ట్ర సహకార యూనియన్ లిమిటెడ్ చైర్మన్ మానాల మోహన్ రెడ్డి, ముఖ్య నాయకులు సభకు హాజరవుతున్నట్లు తెలిపారు. కావున నిజామాబాద్ జిల్లా ప్రజలు, పార్టీ శ్రేణులు, అభిమానులు, నిజామాబాద్ జిల్లా కాంగ్రెస్ పార్టీ నాయకులు కార్యకర్తలు, నగర కమిటీ నాయకులు కార్యకర్తలు, నగరంలోని అన్ని డివిజన్ల ప్రజలు తదితరులు పాల్గొని కార్యక్రమాన్ని సభను విజయవంతం చేయాలని కోరారు.
